AZAL-ın təyyarəsi Moskvada məcburi eniş edib
Baxiş sayı:
Dərc olunub:
14/07/2017 - 22:30
"Azərbaycan Hava Yolları" aviaşirkətinin (AZAL) Bakıdan Sankt-Peterburqa uçan təyyarəsi Moskvanın "Domodedovo" aeroportunda məcburi eniş edib.
Virtualaz.org-un məlumatına görə, bu barədə aviaşirkətdən bildiriblər.
Peterburqun "Pulkovo" aeroportundakı xüsusi tədbirlə əlaqədar olaraq təyyarə Moskvaya yönəldilib və orada uğurlu eniş edib. Təyyarənin göyərtəsində 163 sərnişin və 7 ekipaj üzvü olub.
Xatırladaq ki, “Airbus A320” təyyarəsi Bakıdan səhər saat yeddidə uçub və 10:10-da "Pulkovo”da yerə enməli idi. Moskvadan Sankt-Peterburqa uçuş müvafiq icazənin alınmasından sonra olacaq.
Öz növbəsində Sankt-Peterburqdan Bakıya əvvəlcə saat 22:50-yə nəzərdə tutulmuş əks-reys də yubanır.
Şərhlər
Hər hansısa bir şərh yazılmayıb.