Mingəçevirdə 36 yaşlı şəxs döyülərək tanınmaz hala salınıb

Axşam saatlarında Mingəçevirdə döyülmə hadisəsi baş verib.

"Report”un Şirvan bürosu xəbər verir ki, şəhərin N.Vəzirov küçəsi, ev 12, mənzil 17-də yaşayan 1981-ci il təvəllüdlü Muradov Əflatun Cəlal oğlu bir neçə nəfərlə mübahisə zəminində döyülərək ağır xəsarətlər alıb.

Onun baş nahiyəsinə ağır daş vurulub, küt alətdən istifadə olunmaqla bədəninin müxtəlif hissələrinə zərbələr endirilib. Baş, üz və qarın boşluğu nahiyələrindən ağır xəsarətlər alan Əflatun Muradov təcili xəstəxanaya çatdırılıb. Üzü tanınmaz hala düşən və çoxsaylı bədən xəsarətləri alan Ə.Muradovun hazırda müayinə və müalicəsi davam edir.

Əldə olunan məlumata görə, yaralı döyülmə səbəbini müxtəlif şəkillərdə izah edib. O, gah söyüşə görə, gah da pula görə döyüldüyünü bildirib. Ə.Muradov hadisənin iş yoldaşları, dostları və hətta qohumunun da iştirakı ilə törədildiyini söyləyib. O, usta olduğu və fərdi qaydada çalışdığı deyib.

Faktla bağlı Mingəçevir şəhər Polis şöbəsində araşdırma aparılır.

635x100

Şərhlər

Hər hansısa bir şərh yazılmayıb.

Son yazılar