HARIN NƏVƏNİN “GELANDEWAGEN”i KİMLƏ ÖTÜŞÜRMÜŞ? –  “Dostu camaatı söyərək…”

Dərc olunub: 04/08/2017 - 15:42

 

60c16d7169c08cb98edc6d9b9131be7a

Ötən gecə Bakının Heydər Əliyev prospektində baş nazirin müavini Əli Həsənovun nəvəsi Nail Allahverdiyevə məxsus “Mercedes Gelandewagen” markalı avtomobillə törədilmiş dəhşətli qəza sosial şəbəkələrdə geniş müzakirə mövzusu olub.  Virtualaz.org xəbər verir ki, hadisənin şahidi olan istifadəçilərin yazdığına görə, qəzaya səbəb yüksək sürət və ötüşmə olub. Belə ki, 10 PP 203 dövlət nömrə nişanlı “Mercedes Gelandewagen” seriyası nömrəsi bəlli olmayan “777” nömrəli qırmızı rəngli “BMW” ilə yarışa çıxıbmış.
Digər mənbələrə görə isə, söhbət qırmızı rəngli 99 FS 777 dövlət nömrə nişanlı “Mazda” avtomobilindən gedir.
Avtomobildəkilərin  çimərlikdən istirahətdən gəldiyi və Heydər Əliyev prospektində 200-250 km/ saat sürətlə hərəkət etdiyi bildirilir. Hətta şahidlər bildirirlər ki, hadisə baş verən zaman N. Allahverdiyevin digər avtomobildə olan dostu camaatı söyərək hadisə yerindən qovubmuş.
Sosial şəbəkədə sürücülərə məxsus xüsusi qrupda bir neçə şahid həmin iki avtomobilin yarışdığını, yolda onları ötüb keçdiyi qeyd ediblər.

203472_src

Bəs Qəza hadisəsinin böyük rezonans yaratdığını nəzərə alıb Dövlət Yol Polisinin Təhlükəsiz Şəhər Xidmətinin videomüşahidə kameralarına düşən görüntülər mətbuata açıqlana bilərmi?
Axı Heydər Əliyev prospekti tamamilə videomüşahidə kameralarının nəzarəti altındadır, eyni zamanda bu yolda çoxsaylı radarlar quraşdırılıb. Deməli qəza törədən avtomobilin həmin yoldakı bütün hərəkəti, eləcə də qəza anı videomüşahidə kameraları tərəfindən çəkilib.
Bu sualla Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Vaqif Əsədova müraciət etdik.

203474_src

Şöbə rəisi virtualaz.org-a bu barədə danışmağa çətinlik çəkdiyini dedi: “İndiki  qanunvericiliyə görə, hər hansı yol-nəqliyyat hadisəsi baş verirsə, o hadisəyə ağırlıq dərəcəsindən asılı olaraq baş verdiyi məkan üzrə polis idarələrində baxılır. Buna görə  sizə informasiya verməkdə çətinlik çəkirəm. Dediyiniz hadisə ilə bağlı Nərimanov Rayon Polis İdarəsində araşdırma aparılır və bütün təfərrüatı ilə məlumatları oradan almaq mümkündür. Mən ancaq onu bilirəm ki, qəza hadisəsi zamanı bir nəfər piyada Vaqif Əsədov həlak olub. Onu da ona görə yadımda saxlamışam ki, ad-familyası mənimlə eynidir. Hazırda “ekologiya postu”undayam, tədbirdir, həmin hadisə barədə geniş məlumatım yoxdur”, – deyə şöbə rəisi bildirib.

203475_src

Xatırladaq ki, qəza hadisəsi ötən gün gecə saatlarında baş verib. N. Allahverdiyevin yanan avtomobildən son anda özünü ataraq xilas olduğu və əllərinin yandığı bildirilir. O, hazırda Bakıda xəstəxanaların birində müalicə olunur. Xəstəxana mənbələrindən isə bu məlumatı dəqiqləşdirmək mümkün olmayıb.

203477_src

Qeyd edək ki, sosial şəbəkələrdə Nail Allaverdiyevin avtmobillər kolleksiyasının fotoları var. Həmin fotolara əsasən baş nazirin müavininin nəvəsinin qara rəngli, 10 PP 203 dövlət nömrə nişanlı “MercedesGelandewagen”lə yanaşı eyni modeldən ağ rəngli avtomobili də var. Hətta fotolardan birində həmin ağ rəngli “Gelandewagen” arxası üstə aşmış vəziyyətdə görünür. Yəni bu, nəvənin “Gelandewagen”lə törətdiyi birinci qəza deyil.


loading...


Fikrinizi bildirin