“Hazardın milliyə çağırılmasına təəccübləndim” – Konte

Çempionlar Liqasının qrup mərhələsində “Qarabağ”a rəqib olan “Çelsi”nin baş məşqçisi Antonio Konte zədə səbəbindən Premyer Liqanin startını buraxan Eden Hazardın Belçika millisinə dəvət olunmasına münasibət bildirib.

Qol.az-ın klubun saytına istinadən yaydığı xəbərə görə, o qeyd edib ki, bu qərardan bir balaca təəccüblənib:

“Amma mən özüm İtaliya millisinin baş məşqçisi olmuşam. Ona görə də digər məşqçinin qərarına hörmətlə yanaşıram. Eden millinin oyununa qədər hazır olacaq və komanasına kömək edəcək”.