«ABŞ vasitəçilərin əli ilə İŞİD döyüşçülərinə silah satır» - Suriya müxalifəti
AzPolitika.info xarici KİV-ə istinadla xəbər verir ki, Suriya müxalifəti növbəti dəfə Amerika Birləşmiş Ştatlarını (ABŞ) ifşa edib. Müxalifətin iddiasına görə, Birləşmiş Ştatlar özünün nəzarəti altında olan müxalif qrupların vasitəsilə «İslam dövləti» döyüşçülərinə silah-sursat satır.
Bu silahlardan istifadə qayda və vərdişləri isə terrorçulara ABŞ-ın Ət-Tanf bazasında öyrədilir («RİA Novosti»).
ABŞ-ın «İslam dövləti» döyüşçülərinə silah satması barədə sözgedən bazanın Suriya sektorunun sabiq rəhbəri Mühəmməd Əssalam danışıb.
«Onlar Amerika istehsalı silah-sursat, maşınlar, M-16 tüfəngləri («vintovka») satırdılar - böyük miqdarda. Amerikalıların son təftişindən sonra 4,7 min tüfəng («vintovka») çatışmazlığı aşkar olundu» - deyə, Mühəmməd Əssalam bildirib.
Onun sözlərinə görə, ABŞ nümayəndələri dəfələrlə suriyalılara hökumət ordusuna qarşı hərbi əməliyyatlara başlamağı təklif ediblər. Mülki əhaliyə isə kömək tamamilə yoxdur.
Şərhlər
Hər hansısa bir şərh yazılmayıb.