Ağdaşda 40-dan çox iribuynuzlu mal-qara dərman preparatlarından tələf olub
Baxiş sayı:
Dərc olunub:
03/09/2017 - 11:37
Ağdaşda iribuynuzlu heyvanlar kütləvi şəkildə tələf olub.
"Report"un Şirvan bürosu xəbər verir ki, hadisə səhər saatlarında rayonun Yenicə kəndində baş verib.
Kənd sakini Pərviz Əli oğlu Hüseynova məxsus mal-qara səhər örüşə aparılan zaman naməlum səbəbdən 41 baş iribuynuzlu inək yolun ortasında tələf olub. Kənd sakinləri hadisənin gigiyenik profilaktika üçün nəzərdə tutulan baytarlıq preparatlarından qaynaqlandığını bildirirlər. Axşamdan heyvanlara tətbiq olunmuş dərmanlar səhər onların tələfatına gətib çıxarıb.
Hadisə yerinə Ağdaş Baytarlıq İdarəsinin iki əməkdaşı cəlb olunub. Mütəxəssislər heyvanların qəfil ölümünün səbəbini öyrənmək və ağır vəziyyətdə olan malları xilas etməyə çalışırlar.
Faktla bağlı araşdırma aparılır.
Şərhlər
Hər hansısa bir şərh yazılmayıb.