“Azərbaycanda miqrantlara həssas yanaşılır” – DMX rəisi

Dərc olunub: 24/09/2017 - 00:35

firudinDövlət Miqrasiya Xidmətinin (DMX) rəisi, II dərəcəli dövlət miqrasiya xidməti müşaviri Firudin Nəbiyevin rəhbərlik etdiyi nümayəndə heyəti Xorvatiyanın İnsan hüquqları və milli azlıqların hüquqları üzrə ofisində görüş keçirib.

DMX-dən APA-ya verilən məlumata görə, qurumun rəsmiləri ilə keçirilən görüşdə tərəflər insan alverinə qarşı mübarizə üzrə milli istiqamətləndirmə mexanizmi, beynəlxalq himayədən istifadə edən şəxslərin inteqrasiyası üzrə tədbirlərə dair təcrübələrini bölüşüblər. Xidmət rəisi deyib ki, Azərbaycan Konstitusiyasında insan hüquqları və azadlıqlarının təminatı dövlətin ali məqsədi kimi müəyyənləşib. Onun sözlərinə görə, əsas qanunda əksini tapmış insan hüquqlarının qorunması prinsipinin real həyatda tətbiqinin zəruriliyi nəzərə alınaraq, Azərbaycan insan hüquqları sahəsində əsas beynəlxalq hüquqi sənədlərə qoşulub.

DMX rəisi qeyd edib ki, hazırda Azərbaycanda miqrantlara münasibətdə həssas yanaşılır və ölkə miqrasiya siyasətində insan hüquq və azadlıqlarına hörmət prinsipinə, qanunçuluğa və beynəlxalq normalara əsaslanır.

Görüşlərdə qarşılıqlı maraq doğuran digər məsələlər barədə fikir mübadiləsi aparılıb.


loading...


Fikrinizi bildirin