Türkiyəli futbolçu millimizdən imtina etdi

Türkiyənin "Bursaspor” klubunun və U-21 milli komandamızın yarımmüdafiəçisi Ozancan Kökcü karyerası ilə bağlı qərar qəbul edib.

Apasport.az saytının məlumatına görə, bu barədə oyunçu özü instaqram səhifəsindən açıqlama yeyıb.

Gənc futbolçu Azərbaycan milli komandasında oynamaqdan imtina etdiyini bildirib. Kökcü məsələ ilə bağlı açıqlamasında bunları qeyd edib: "An etibarilə verdiyim qərarı sizinlə paylşamaq istəyirəm. Bildiyiniz kimi, bir türk vətəndaşı olaraq, irqimiz və qanımızdan olan Azərbaycan millisində oynadım. Bu formanı şərəflə geydim və şəxsən, qürur duydum. Ancaq son zamanlar bəzi olaylar məni düşündürdü və belə bir qərar verdim. Düşünürəm ki, milli komandada oynayan futbolçular həmin ölkədə doğulan və özünü həmin məmləkətin vətəndaşı hiss edən şəxslər olmalıdı. Mən Azərbaycanda oynayan futbolçu dostlarıma qarşı hörmətsizlik etmək istəmirəm. Orada oynayan oyunçulara qarşı haqsızlıq etdiyimi düşünərək Azərbaycan millisindən icazəmi istəyirəm. Mənim əvəzimə oynayan dostlarıma ürəkdən uğurlar arzu edirəm. Qəlbim sizinlədir!”

Qeyd edək ki, 19 yaşlı futbolçu bu ildən milli komandamızda çıxış edirdi.

635x100

Şərhlər

Hər hansısa bir şərh yazılmayıb.

Son yazılar