ABŞ səmasında «yarımşəffaf UNO» görünüb

«AzPolitika.info»-nun xarici KİV-ə istinadla verdiyi xəbərə görə, sosial şəbəkələrdə yerləşdirilmiş videoroliklərin birində Amerika Birləşmiş Ştatlarının (ABŞ) səmasında yarımşəffaf bir obyekt təsvir olunub.

Kadrlardan görsənir ki, Günəş səmanın bir hissəsini işıqlandırır, səmanın digər parçası isə «kölgə altındadır». Bu zaman tutqun hissənin «sərhədləri» daha dəqiq gözə çarpır.

İstifadəçilərdən birinin fikrincə, «məkanlararası gəmi»ni yalnız müəyyən atmosfer şəraitində görmək olar. Eyni zamanda, başqa şərhçilər əmindirlər ki, burada söhbət işığın sınması ilə meydana gələn maraqlı optik illüziyadan gedir.

Bununla yanaşı, ufoloqlar təsdiqləyirlər ki, son vaxtlar belə naməlum uçan obyektlər (UNO) Yer üzərində tez-tez görünməyə başlayılar.