“ZƏRRƏ QƏDƏR DƏ GÜZƏŞT ETMİRLƏR, AXI ONLAR İNSANDIRLAR!” – Ziyad Səmədzadə

Dərc olunub: 06/10/2017 - 11:37

“Azərbaycan bank faizlərinin yükək olmasına görə dünyada ilk yerilərdən birini tutur”

ziyad_samedzade_1506086580

Milli Məclisin İqtisadi Siyasət və Sahibkarlıq Komitəsinin sədri akademik Ziyad Səmədzadə bankların devalvasiyalardan sonra borc yükü artan müştərilərə güzəştə getməmələrini tənqid edib.

Akademik Bakıda keçirilən “Mikromaliyyənin Gələcəyi: Çətinliklər və İmkanlar” adlı konfransda çıxış edib.

Onun sözlərinə görə, Azərbaycanda son 20 ildə aparılmış iqtisadi islahatlar uğurlu olub. Bu müddətdə ölkə iqtisadiyyatı sürətlə inkişaf edib, yoxsulluq həddi 51%-dən 6%-ə düşüb.

Bununla belə, Z.Səmədzadə qeyd edib ki, banklar ilə bağlı Milli Məclisə çoxsaylı müraciət və şikayətlər daxil olur:

“Vətəndaşlar Milli Məclisə yüzlərlə şikayətlər göndərirlər. Banklar insanlara zərrə qədər də güzəşt etmirlər. Axı onlar insandırlar?! Biz cəmiyyətdə şikayətlərin azalması və konsensus yaratmaq üçün müraciətlərə imkan daxilində müsbət baxmalıyıq. Bununla bağlı araşdırma aparılmalıdır ki, bəlkə faizlər yüksək olub, bəlkə borcalanlar düzgün qiymətləndirilməyib… Elə olsun ki, sabah bir daha problemli kreditlərlə üzləşməyək. Araşdırmalıyıq ki, necə oldu ki, mənfəətlə işləyən banklar devalvasiyalardan sonra insanlara güzəştə getmirlər. Bütün bu məsələlər təhlil edilməlidir. Amma yenə də ölkə iqtisadiyyatı inkişafdadır və tədricən maliyyə göstəriciləri yaxşılaşacaq”,- Ziyad Səmədzadə bildirib.

Akademik əlavə edib ki, yaranmış çətinliklərdə kredit faizlərinin yüksək olmasının da payı var. Azərbaycan bank faizlərinin yükək olmasına görə dünyada ilk yerilərdən birini tutur. /“Marja”, “Report”


loading...




Fikrinizi bildirin