“Qarabağ”ı təhqir edən köşə yazarından növbəti səhv - “Qarabağ xalqı”

"Qarabağ" - "Atletiko" oyununda azarkeşlərin hazırladığı plakatla bağlı "Sabah" qəzetində təhqiredici yazı ilə çıxış edən köşə yazarı Mevlüt Tezel üzr istəyib.

BakuPost.az xəbər verir ki, o, twitter-də plakatla bağlı zarafat etmək istədiyini deyib: "Diqqətlə oxusanız, yazım sadəcə bu xareoqrafiya haqqında əyləncəli bir şərh vermək idir. Əgər Azərbaycan və Qarabağ xalqını üzdümsə, üzr istəyirəm”.

Burada diqqət çəkən məqam isə köşə yazarının "Qarabağ xalqı” ifadəsini işlətməsidir. Onun Qarabağ xalqını Azərbaycan xalqından ayıraraq ifadə etməsi, yenidən narazılıq yaradıb.