TOYLARDA BU MAHNILARI OXUYANLAR CƏRİMƏLƏNƏCƏK! - ŞOK qərar + VİDEO
Azərbaycanda repertuardan yayınan toyxana sahiblərinə “toy tutacaqlar”...
Bundan sonra Azərbaycanda hər toy və şadlıq mərasimində müğənnilər tərəfindən ifa olunan mahnılara, tamadalar tərəfindən deyilən şerə görə müəllif qonorarı ödəniləcək. Bu qonorarı ödəməyənləri isə 50 min manata qədər cərimə və hətta icbari cəzalar gözləyir.
Virtualaz.org xəbər verir ki, buna səbəb Nazirlər Kabinetinin 1997-ci il 2 may tarixli 38 nömrəli qərarında dəyişikliklər edilməsi barədə 20 oktyabr 2017-ci il tarixli, 466 nömrəli Qərarıdır. Həmin qərarın tətbiqi ilə bağlı məsələlərə dair bu günlərdə Müəllif Hüquqları Agentliyi məlumat yayıb.
Agentlik Nazirlər Kabinetinin həmin qərarının necə tətbiq olunacağına izahat verərək göstərir ki, bundan sonra kafe, restoran, bar və digər obyektlərin sahibləri ay ərzində həmin obyektdə səsləndirilən musiqili əsərlərinin siyahısını Müəllif Agentliyinə təqdim etməlidirlər.
Çünki Nazirlər Kabinetinin 466 saylı qərarına əsasən, “Ədəbiyyat və incəsənət əsərlərinin kütləvi ifasına görə müəllif qonorarının minimum miqdarı”na edilən dəyişikliyə görə, klublarda, kafelərdə, restoranlarda və digər ictimai yerlərdə mətnli, yaxud mətnsiz musiqili əsərlərin (istər artist-ifaçıların ifasında, istərsə də mexaniki yazma şəklində) istifadəsinə görə həmin obyektlərin sahibləri hər ay Bakı, Sumqayıt və Gəncə şəhərləri üzrə 60 manat, digər şəhər və rayonlar üzrə 50 manat həcmində müəllif qonorarı odəməlidirlər.
Həmin obyektlərin icarəyə verildiyi hallarda icarə müqaviləsində qonorarın kim tərəfindən ödənilməsi göstərilməlidir. Lakin Agentlik bildirir ki, bu qayda, yəni aylıq müəllif qonorarlarının ödənilməsi toy mərasimlərinə və kütləvi konsert tədbirlərinə şamil olunmur.
Qərara əsasən kafelərin, restoranların, barların və digər obyektlərin sahibləri (mülkiyyətçiləri) hesablanmış qonorarı kollektiv idarəetmə təşkilatının hesabına köçürməklə yanaşı, ay ərzində həmin obyektdə səsləndirilən musiqili əsərlərin siyahısını (repertuarını) da təqdim etməlidirlər.
Qanunu pozanları isə müəllif qonorarını ödəməkdən yayınmaya görə istifadəçiləri ciddi mülki, inzibati və cinayət məsuliyyəti gözləyir. Müəllif qonorarını ödəməkdən imtinaya görə 110 manatdan 55 min manatadək məbləğdə kompensasiya ödəməlidir.
Tutaq ki, repertuar hazırlandı, amma qonaqlar buna əməl etmədi
Cinayət Məcəlləsinin 165-ci maddəsinə əsasən, müəlliflik hüquqlarını və ya əlaqəli hüquqları pozmaya görə əgər bu əməllər nəticəsində xeyli miqdarda ziyan vurulmuşsa, min manatdan iki min manatadək miqdarda cərimə və ya üç yüz iyirmi saatdan dörd yüz səksən saatadək ictimai işlər ilə cəzalandırma nəzərdə tutulub.
Bəs bu qaydaların tətbiqi nə dərəcədə realdır? Toyxana, restoran sahibləri məclisdə hansı mahnıların ifa olunacağını necə əvvəlcədən müəyyən edəcəklər və siyahını necə hazırlayıb təqdim edəcəklər? Tutaq ki, şadlıq evinin mülkiyyətçisi vətəndaş “X”in sifariş verdiyi toy məclisində müğənni “Y”lə əvvəlcədən repertuarı razılaşdırdı, lakin mərasimin gedişində iştirakçılar repertuardan kənar mahnılar sifariş verdilər (hansı ki, Azərbaycan toylarında bu qaçılmazdır), o zaman Nazirlər Kabinetinin qərarının tətbiqi, yəni şadlıq evinin sahibinin iri məbləğdə cərimələnməsi qaçılmaz olmayacaqmı?
Virtualaz.org bu qərar və Müəllif Hüquqları Agentliyinin onunla bağlı izahedici bəyanatı ilə bağlı Bakının bəzi şadlıq evlərinin işçilərinin fikirlərini öyrənib. Məlum olub ki, artıq şadlıq sarayları və restoranlarda yeni qərardan xəbərdardırlar.
“Mən hardan bilim o nə oxuyacaq?”
“Ay işığı” restoranın administratoru Rauf Əliyev virtualaz.org-a açıqlamasında əslində həmin ödənişi onların deyil, musiqiçilərin ödəməli olduğunu dedi: “Musiqiçini toya mən dəvət etmirəm axı. Onları toya məclis sahibi çağırır. Mən haradan bilim ki, o nə mahnı ifa edəcək? Həmin qonorarı restoran deyil, musiqiçilər ödəməlidirlər”.
“Yeganə” şadlıq sarayının Azər adlı əməkdaşı isə Nazirlər Kabinetinin bu qərarının şadlıq saraylarının işini çətinləşdirəcəyini deyir. Onun sözlərinə görə, bir neçə gün əvvəl onlara bu qərarla bağlı məlumat verilsə də, hələ necə icra olunması haqqında heç kim heç nə deməyib: “Bizə bir neçə gündür bu barədə məlumat veriblər. Lakin hələ də tətbiqi sual altındadır, necə icra olunacaq bilinmir. Bilmirik necə edək, düşək hər gələndən pul alıb yazaq? Yeni qərar şadlıq saraylarının işini çətinləşdirəcək. Çünki çox anlaşılmaz qərardır. Gərək bizə öz nümayəndələrini versinlər, onlar özləri işə nəzarət eləsinlər”.
Vergilər Nazirliyi bütün toylara tamaşa edir
Həmsöhbətimiz deyir ki, vergidən yayınmanın qarşısını almaq üçün şadlıq sarayında bütün toylara Vergilər Nazirliyi tərəfindən internet üzərindən birbaşa nəzarət olunur. Onsuz da, heç kim ödənişi etməkdən yayına bilməz: “Vergilər Nazirliyi toylarımıza canlı nəzarət edir. Hətta bəzən internetlə bağlı texniki problem olduqda tez bizə nümayəndə göndərirlər. Yəni onların nəzarətindən kənar qalmaq mümkün deyil. Onsuz da kameralar çəkir, yəqin ki, qaydalara əməl etməyəni cərimələyəcəklər”.
“Bəstəkara verməyə pul var? Xalq mahnılarına keçəcəyik...”
“Tərlan” şadlıq sarayının Əli adlı əməkdaşı isə bildirir ki, belə getsə, restoranlarda bəstəkar mahnılarından imtina olunacaq. Bütün səslənən mahnılar konkret müəllifi olmayan xalq musiqiləri olacaq.
“Belə çıxır ki, musiqiçilər milyoner olacaqlar. Bundan sonra biz ancaq xalq mahnıları oxuyacağıq. Restoranımızda “haxışta-maxışta” kimi mahnılar səslənəcək. Bəstəkar mahnılarına verməyə pulumuz var?”-şadlıq sarayının işçisi deyir.
Müsahibimiz qərarla bağlı ətraflı məlumata malik olmadığını, şadlıq sarayına dəyişikliklə bağlı rəsmi məlumat göndərilmədiyini dedi: “Mənim qərardan tam olaraq məlumatım yoxdur, bu barədə eşitmişəm. Hökumət necə desə, biz də vətəndaş kimi ona əməl edəcəyik, başqa nə edə bilərik ki?”
Hərə ağlına gələn şeiri yazıb səsləndirəcək
Tamada Nazilə Səfərli isə bildirir ki, yeni qərar tətbiq olunarsa, hər kəs ağlına gələni oxuyub-oynayacaq: “Toy çərçivəyə salınmayan el adətidir. Toy hər kəsin öz el-obasının adətinə görə, qonaqlarına görə, düzənlənir. Nazirlər Kabinetində ağıllı insanlar əyləşiblər, hər halda qərar bizim xeyrimizə olar. Çünki bir çox məclislərdə mənim şeirlərimi səsləndirirlər, amma adımı çəkmirlər. Düzdür, mən şeirlərimi satmıram, amma adımın səsldirmələrini istəyirəm. Bu baxımdan, qərarla haradasa razıyam. Amma o ki qaldı siyahı təqdim etməyə… Mənim səsləndirdiyim şeirlərin 90 faizi özümündür. Özümdən özümə qonorar ayıra bilmərəm. Amma digər müəlliflərin Məsələn, Ramiz Rövşənin, Musa Yaqubun və ya digərlərinin şeirlərini məclislərdə hamı səsləndirir. Əgər qonorar ödəmək məcburi olsa, onda hərə ağlına gələni oxuyacaq. Onsuz da musiqilərimizi son zamanlar cılızlaşdırıblar. İndi hərə özü üçün ağlına gələn şeirlər yazacaq, ağlına gələn musiqiləri ifa edəcək”.
Müəllif Hüquqları Agentliyindən isə deyiblər ki, Nazirlər Kabinetinin qərarının tətbiqi ilə bağlı məsələlər onların açıqlamasında ətraflı yer alıb. Bu səbəbdən əlavə nəsə deyə bilməzlər.
P.S. Belə getsə "Planet Parni iz Baku"nun bu yumoru ( 2016 - Milli Yumor) həqiqət olacaq(cərimələr hissəsi 11-ci dəqiqədən başlayır).
Şərhlər
Vay-vay....Gülək, yoxsa ağlayaq ?...
``Planet Parni iz Baku`` -nun Azərbaycan ictimai mühitində,cəmiyətdə elədiklərini,dedediklərini Heç bir müxalifət Partiyası,QHT-lər etməyib.İntellekt səviyəli bu kollektivə Allah özü köməy olsun.O ki,qaldı yeni qanunların tətbiqinə...biz öyrənmişik ağılımıza gələn bütün təcrübəni millətin başında sınaqdan keçirdirik.Tutsa ,tutacaq,tutmasa qalacaq o biri qanunlar kimi ağzı günə..
Bizim toyun repertuarı Hüseyn Abdullayevin,Madonnanın ,Elvis Preslinion ,Alla Puqaçovanın mahnılarından ibarıtdir Pulu kimə verək?
Bu çox absurd bir qərardır.Çünki müəllif haqqları yalnız o müəllifə aid olan əsərlər kütləvi tirajla çap edilib yayılarsa və alınan qazancdan müəllifə verilməzsə,ümumiyyətlə,müəllifin o levı işlərdən xəbəri olmazsa pozulmuş sayıla bilər.Misalçün,Selin Dionun "Titanik"ini nə qədər oxuyursan oxu,ABŞ-dan heçbir bəstəkar sənə qarşı iddia qaldıra bilməz.Deyərsən yaxşı eliyirəm,mahnı gözəldir.Amma albom,disk çıxarasan,"Titanik"i də oxuyasan,bu artıq kütləvi satış üçündür,Amerika bəstəkarının da payını verməlisən.
.Agentlik pullari ozu ucun yigacaq, yoxsa muelliflere yazigi gelir, pulu onlarcin ozunu eziyyete salir yigir ???? Bes rehmete gedenlere, Mocarta, Betxovine o biri dunyaya pul gonderecek???? Agentlik yandigi gunden Acindan olurdu. Bu gulmeli qerarla corrk yeri tapdi.
NAZİRLƏR KABİNETİNİN NƏZƏRİNƏ! Mənim də xeyli sayda şer və mahnılarım müğənnilərimiz tərəfindən dövlət tədbirləri,toy şənlikləri,eləcə də mənə məlum olan və olmayan məkanlarda səsləndirilir.Bu məni əsla narahat etmir.Mən onları xalq üçün yazmışam.Odur ki,adımın çəkilib-çəkilməməyindən asılı olmayaraq bütün mahnılarımı bütün müğənnilərə halal edir, istədikləri yedrə ifa etmələri üçün razılıq verir,heç 1 qonarar-monarar istəmirəm!Həmkarlarımı çağırışıma qoşulmağa,milli mentalitetimizi qorumağa çağırıram.
Bir azdanevde zumzume edenlerdende cerme edecekler Vallah gulmelidi bilmirler ne etsinler soyun bu caamati agzimizi baglayaq
cooox SAX OILUN G.M YAXSI KI VARSINZ
Bu nə qərardır, yəqin ki,gülməli deyil ağlamalıdır. ağıllarına gələn qanunu yazıb düşürlər camaatın üstünə...
Nazirlər Kabinetinin və Müəllif hüquqları agentiliyinin bu qərarı tamamilə mənasız, qanunsuz bir addımdır.Dünyanı Azərbaycana güldürən bir hərəkətdir. Nazirlər Kabinetindən və Müəllif Hüquqları Agentliyinin rəhbərliyindən tələb edirəm ki, Azərbaycan telekanalları və radioları səəsləndirdikləri mahnıya, şeirə və əsər görə onları tərəfindən bəstəkara və şairə qonaror verilməsi barədə sərəncam qəbul edilsin.
Marşrutka şoferləri o hesabla gör Üzeyir Mehdizadəyə nə qədər pul ödəməli olacaqlar.Müğənnilər bundan sonra bütün mahnılarını özləri yazıb bəstələyəcəklər ki,toyxanada oxuyandan sonra toyxana sahibindən qonorar alsınlar.Xeyir özgəyə getməsin yəni.Deyirəm nə yaxşı ki,devalvasiya oldu,yoxsa respublikada kadr siyasətinin nə qədər yarıtmaz olduğu,pul qazanmaq üçün məsul olanların ağıllarının hansı səviyyədə olduğu üzə çıxmazdı sel kimi axan neft milyardları fonunda.Elə bilirdik işləyirlər.Beləmi işləyiblər?
Tutaq ki,idmançımız İtaliyada boks yarışında birinci oldu və onun şərəfinə italyanlar Azərbaycan himnini çaldılar.Himni rəhmətlik Əhnəd Cavad yazıb,musiqisini də rəhmətlik Üzeyir Hacıbəyov bəstələyib.İtalyan höküməti qonorarı kimə verməlidir?
Qaçmayanlar toyda gəlin havası kimi "Vağzalı" çaldırırlar.Xalq mahnısıdı,qonorarı lazım deyil.Neft milyardlarından belə bay olmuşduq,bir çatmırdı "Vağzalı" qonorarı.Qaçanlar isə o yanlardakı toyxanalarda gəlin havası olaraq Mendelsonu eşidiblər deyə onu çaldırırlar.Onda toyxana sahibi qonorarı Mendelsonun nəvə-nəticələrinə verməlidir?(Mendelson çalınanda böyrümdəki qarşısındakından soruşdu ki,oaəə Mendelsonqu deyifşəm,nə çaleyir oaəə bu?O da dedi ki,odu dayna.Bu da məni dümsüklədi ki,Mendelsonq bumu oaəə?)
Ay insanlar Bizim Agentlik pullari ozu ucun yigir,hec kime vermeyecek.Diqqetle oxuyun!
Bambili kopey usagi demekden basqa soz tapmiram kul sizin savadsiz istifadeci basiniza biabircilar! Etiniz tokulsun ortaya atdiglari dusuk telebe baxin beyinsiz ...qebul etdiyi qerara baxin!