ABŞ vətəndaşları xəbərdarlığa əməl etmir? – "Azərbaycan səhiyyəsindən faydalanırlar"
Səhiyyə nazirinin müavini Elsevər Ağayev ABŞ Dövlət Departamentinin Azərbaycana səfər edən vətəndaşlarına burada əməliyyat olunmamaq və apteklərdən dərman almamaq barədə tövsiyəsinə münasibət bildirib.
APA-nın xəbərinə görə, E. Ağayev deyib ki, bu, ABŞ Dövlət Departamentinin öz seçimidir.
“Hər bir halda Azərbaycanda yaşayan ABŞ və digər ölkələrin vətəndaşları Azərbaycanın səhiyyə sistemindən faydalanırlar. Dünyada elə bir əməliyyat yoxdur ki, Azərbaycanda həyata keçirilməsin. Bu gün Azərbaycanda özəl tibb müəssisələrinin də sayı artmaqdadır. Azərbaycanda bu gün 875 özəl tibb müəssisəsi, 2300-dən artıq əczaçılıq müəssisəsi fəaliyyət göstərir”, - deyə nazir müavini qeyd edib.
Xatırladaq ki, bir müddət əvvəl ABŞ Dövlət Departamenti Azərbaycana səfər edən vətəndaşlarına Azərbaycanda əməliyyat olunmamağı və apteklərdən dərman almamağı tövsiyə etmişdi.
Şərhlər
Gor ne gundeyik de, aglamali gundeyik hekimlerinde berbad dermanlarinda saxta oldugunu bilirler! Hec bir hekime getmeyin dermanda almayin qonsu olkelere muraciet etmek lazimdir! Sehiyye nazirliyi bu yayiylan soz sohbetden sonra baglansa yaxsidir biabirciliqdir!