Generallarla görüş: Prezident şərtlə istefa verdi

37 ildir hakimiyyətdə olan Zimbabve lideri Robert Muqabe istefa verməyi qəbul edib.Axar.az xəbər verir ki, bu barədə “CNN İnternəşnl” məlumat yayıb.Dünən xalqa müraciəti zamanı istefasını açıqlamayan Muqabenin generallarla müzakirələrdən sonra istefa verməyi qəbul etdiyi iddia edilib.

İstefasına qarşılıq olaraq Muqabenin və həyat yoldaşının toxunulmazlığı təmin ediləcək.

Qeyd edək ki, son iki gün ərzində Muqabenin istefa verib-vermədiyi ilə bağlı bir-birini təkzib edən xəbərlər yayılmaqdadır.