“Rasim Balayevin aylıq 2400 manatdan çox gəliri var” - Rəsmi açıqlama

Azərbaycan Respublikası Kinematoqrafçılar İttifaqı xalq artisti Rasim Balayevlə bağlı açıqlama yayıb.

Qurumun mətbuat xidmətinin rəhbəri Əli Vəliyev BakuPost.az-a açıqlamasında bildirib ki, R. Balayev Azərbaycan Respublikası Kinematoqrafçılar İttifaqının üzvü deyil: "O, rəhbəri Rüstəm İbrahimbəyov olan ittifaqın üzvü, eyni zamanda katibidir, hazırda da o vəzifəni daşıyır. Amma buna baxmayaraq, Rasim Balayevin vəziyyətinin ağır olmasından xəbər tutduqdan sonra İttifaqının sədri şəxsən Şəfiqə Məmmədovanın göstərişi ilə onunla əlaqə saxlanılıb, vəziyyəti ilə maraqlanılıb. Ona "nə köməklik lazımdır edə bilərik” deyilib. Lakin xalq artisti Rasim Balayev bildirib ki, "Jurnalistlər mənim haqqımda tamamilə yalan məlumat verib. Mənim vəziyyətim əladır, heç bir köməyə ehtiyacım yoxdur””.

Ə. Vəliyev qeyd edib ki, R. Balayev ayda 1300 manat prezident təqaüdü, 1000 manat şəxsi pensiyasını, xalq artisti adına görə 100 manat, orden və medallarına görə də müəyyən ödənişlər alır: "Bundan əlavə reklam və seriallara da çəkilir və özünü də dediyi kimi istədiyi qonorarı ala bilir. Buna baxmayaraq, Rasim Balayev istənilən vaxt qurumumuza müraciət edərsə, ona köməkilk göstərməyə hazırıq. Şəfiqə Məmmədovanın dediyi kimi, "çünki o, Rasim Balayevdir””.

Xatırladaq ki, bu günlərdə R. Balayev "Respublika Kinematoqrafçılar İttifaqından sizinlə maraqlanan olubmu” sualına "Yox... istəmirəm də” deyə cavab verib.

Qeyd edək ki, xalq artisti Rasim Balayevin səhhəti ilə bağlı məsələni gündəmə deputat Zeynəb Xanlarova gətirib. O, parlamentdə çıxış edərək deyib ki, R. Balayevin dərman almağa pulu yoxdur: "Mən millətin adından xahiş edirəm ki, onunla məşğul olsunlar. Aldığı pul nədir ki onu da dərmanlara versin?”.

635x100

Şərhlər

Sadəcə ayıbdır! 2017-11-20 16:37:57

Rasim Balayev tanınmış insandır.Ondan yazılanlar düzdürsə böyük səhv edir.Fərdi təqaüd alır,az da deyil. Xalq onun Rüstəm İ.rəhbərlik etdiyi ittifaqın üzvü və katibi kimi buraxdığı nöqsanlara görə verdiyi ifadələrdən tanıyır. Bir az vaxt keçsə dediklərini də danar.Bu adam neçə ildir ki, deyir xəstəyəm və həmişə də narazılıq edir.Bizlər də və xalqımızın böyük əksəriyyəti onun aldığı təqaüdün heç 20 faizini də almırıq.Bizlər də xəstəyik.Narazılıq da etmirik. Məncə bunlar lazım deyil,ona hörmət gətirmir.

azer 2017-11-20 16:37:57

allah şefa versin.ayliq maaşim 250 manatdir dermani da .uşağin illik təhsil xərcini də ozum gucnen vere bilirem.neyleyek bes bizcatdira bilmirem

Millət 2017-11-20 16:37:57

Görünir Zeynəb xanım gündəmdə qalmaq üçün özünü ortaya atıb.Axı onun daha səsi də batıb,xoruz buraxır.Yazıq neyləsin.Axı gündəmdə qalmasa oğulları işini itirə bilər və minlərlə Azərbaycanlı balasının gününə düşər.Ona görə atılıb düşür.Başa düşüləndir. Yaxşı olardı ki, o parlamentdə dərman və müalicələrin qiymətlərinin əhalinin imkanından çox uzaq olduğunu və bu sahədə nizamlamalardan söhbət açıb,bir qanun və ya qərar çıxarılmasına nail olardı.Onda ona afərin yaraşardı, millət də vəkilim var deyər.Yoxsa...

dadaşyev 2017-11-20 16:37:57

Deputatlarımızın millətin güzəranından xəbərlərinin olmamasının bariz nümunəsi.Buyurun.Məşhur,sevimli deputatlarımızın məşhur və sevimli xalq artistimizin güzəranından xəbərləri yoxdursa ləlöyün döyənlərin halından necə xəbərləri ola bilər?Haradan bilsinlər millət bir həsirdi,bir Məmmədnəsir?Məktubların lazımi yerlərə yetişməsində problem varsa poçtalyonlardımı günahkar?

Son yazılar