Saakaşvili Ukrayna prezidentini hədələdi - “Məni ekstradisiya etsən...”

Gürcüstanın eks-prezidenti, Ukraynanın Odessa vilayətinin keçmiş qubernatoru Mixail Saakaşvili bildirib ki, onu Gürcüstana ekstradisiya edərlərsə, Ukrayna prezidenti Pyotr Poroşenkonun “başı ağrıyacaq”.

Virtualaz.org “Ukrainskiye novosti”yə istinadən xəbər verir ki, Saakaşvili təşkil etdiyi mətbuat konfransında deyib: “Məni Gürcüstana göndərsələr, sizi əmin edirəm ki, tezliklə azadlıqda olacağam, Poroşenko isə buna görə cavab verməli olacaq. O özü də bunu bilir, Gürcüstan hakimiyyəti də bilir. Gürcüstan hakimiyyəti məni həbsxanada saxlayacaq dərəcədə güclü olsaydı, bunu çoxdan etmişdi”.

Bundan əlavə, Saakaşvili Ukrayna hökumətinə başçılıq etməyə hazırlığını ifadə edib. Onun sözlərinə görə, heç vaxt bu cür iddiaları olmayıb, amma indi vəziyyət dəyişib.

“Söhbət ondan gedir ki, vəziyyəti xilas etmək lazımdır. Əsas məqsədim özümə vəzifə qazanmaq deyil, hakimiyyətə ukraynalıların yeni nəslini gətirmək, siyasi sinfi dəyişməkdir”, - Saakaşvili deyib.

635x100

Şərhlər

dadaşyev 2017-11-20 21:32:40

Bu adam sağ qalsa bir vaxt mütləq BMT-nin Baş Katibi olacaq.Yoldaş dadaşyevin bu sözlərini unutmayın.Gürcüstanı nefti-qazı olmaya-olmaya,ksaıbçılıq içində də olsa cəmi bir neçə ilə adam kimi ölkələr içinə çıxara bilən,rüşvətin kökünü kəsən böyük şəxsiyyətdir bu.

Son yazılar