“AZƏRPOÇT”un BAŞ DİREKTORU NİYƏ İŞDƏN ÇIXARILDI? – Onu kimin bacısı oğlu əvəz edir?

Dərc olunub: 27/11/2017 - 16:40

ulvi

“Azərpoçt” MMC-nin baş direktoru, bəstəkar Eldar Mansurovun oğlu Ülvi Mansurovun işdən çıxması ilə bağlı ziddiyyətli məlumatlar yayılıb. APA-nın MMC-dəki mənbəyə istinadən bildirib ki, Ü.Mansurov öz ərizəsi ilə tutduğu vəzifədən kənarlaşıb.
“Ülvi Mansurov oktyabr ayının 1-dən vəzifəsini öz xahişi ilə tərk edib”, – deyə, mənbə vurğulayıb. Hazırda onun yerinə təyinat yoxdur. Baş direktor vəzifəsinin icrası müvəqqəti olaraq Sübhan Kazımova həvalə olunub.
“Azərpoçt” MMC-nin mətbuat katibi Günel Gözəlova isə bildirilib ki, onun Ü.Mansurov işdən çıxması barədə məlumatı yoxdur.
Maraqlıdır ki, Ü.Mansurov “Azərpoçt” MMC-yə bu ilin mart ayının 31-də rəhbər təyin edilib. Amma bu 8 ay ərzində “Azərpoçt” MMC-nin rəsmi veb-səhifəsində rəhbər şəxslər arasında Ü.Mansurovun adı olmayıb. Qurumun rəsmi saytında baş direktorun vəzifəsinin Sübhan Kazımovun icra etdiyi göstərilib.

trend_ramin_guluzade_040716_02
Qeyd edək ki, bununla bağlı “AzPolitika.info” hələ may ayının əvvəlində məlumat vermişdi (RAMİN QULUZADƏNİN QƏRİBƏ BAŞ DİREKTOR TƏYİNATI – “Azərpoçt” MMC-də nə baş verir?). Saytımız rabitədəki özəl mənbələrdən əldə etdiyi məlumatlara əsasəsən yazmışdı ki, bu il mart ayının 30-da Nəqliyyat, rabitə və yüksək texnologiyalar naziri Ramin Quluzadənin əmri ilə “Azərpoçt”un Baş direktoru vəzifəsinə məşhur bəstəkar Eldar Mansurovun oğlu Ülvi Mansurov təyin edilib. 

Bu Açıq Ensiklopediya olan “wikipedia” da Ülvi Mansurovla bağlı məlumatda da  təsdiqlənmişdi. Onun 30 mart 2017-ci ildən “Azərpoçt” MMC-nin Baş direktoru vəzifəsində çalışdığı qeyd edilirdi. 

Ancaq saytımızın araşdırması zamanı  “Azərpoçt” MMC-nin rəsmi veb-səhifəsində rəhbərlər arasında Ülvi Mansurovun adının olmadığı ortaya çıxarmışdı. Qurumuun rəsmi saytında Baş direktorun vəzifəsini Sübhan Kazımovun icra etdiyi göstərilirdi. İlk baxışda bu texniki xəta və ya qurumun saytında həmin bölmənin yenilənməməsi kimi görsənəsə də, özəl mənbələrimizdən əldə etdiyimiz məlumatlar əsl həqiqətin başqa olduğunu ortaya çıxarmışdı .

Belə ki, Rabitə Nazirliyinə yaxın mənbələrdən “AzPolitika.info”ya daxil olan məlumatda bildirilirdi ki, Ülvi Mansurov “Azərpoçt” MMC-nin Baş direktoru təyin olunsa da, sənəd üzərində bu vəzifənin hələ də Sübhan Kazımov icra edir :“Məlumata görə, Ülvi Mansurov direktor kimi işə gəlir, göstərişlərini verir, nazirliyin tədbirlərinə qatılır, yəni faktiki rəhbərliyi həyata keçirir. Ancaq rəsmi sənədləri imzalaya, təyinatlarla bağlı öz adından qərarlar verə bilmir. Bu işlər Sübhan Kazımovun imzası ilə həyata keçirilir.

Bunun səbəbi isə qanunla Ülvi Mansurovun müəyyən müddət rəhbər vəzifə tutmasına qadağanın qoyulmasıdır”.

texnik bankAzPolitika.info”nu məlumatlandıran mənbə həmçinin qeyd etmişdi ki,  Ülvi Mansurov 2012-ci ildən 2015-ci ilə qədər “Bank Technique” İdarə Heyətinin sədri vəzifəsində işləyib: “O, 2015-ci ildən Azərbaycan Beynəlxalq Bankının İdarə Heyəti sədrinin müavini vəzifəsinə gətirilib. Onu bu vəzifəyə Cahangir Hacıyevdən sonra Beynəlxalq Banka qısa müddət rəhbərlik etmiş Elmar Mənmədovun gətirdiyi xəbəri yayılmışdı. Elə görünür onunla bərabər də bankdan uzaqlaşdırılıb.

Mənbənin sözlərinə görə, Ülvi Mansurov vəzifədən xüsusi maddə ilə çıxarılıb. Hansı ki, bu maddə onun müəyyən müddət rəhbər vəzifə tutmasını qadağan edir. Bu üzdən də Ülvi Mansurov “Azərpoçt” MMC-nin Baş direktoru təyin olunsa da, rəsmi olaraq vəzifəsinin icrasına başlaya bilmir”.

234O ki qaldı, hazırda direktorun səlahiyyətlərini icra etdiyi deyilən Sübhan Kazımova, o  da necə deyərlər, “yad dam” deyil.  S.Kazımov baş nazirin müavini Əli Əhmədovun bacısı oğludur.  Musavat.com-un məlumatına görə, Əli Əhmədovun bacısı oğlunun yüksək posta gətirilməsinə səbəb sabiq nazir Əli Abbasov olub.

S. Kazımov 2002-ci ildə “Azərpoçt” MMC-də texniki şöbənin rəisi olsa da, Əli Abbasov nazir  təyin olunduqdan (2004) az müddət sonra o, “Azərpoçt” MMC-nin baş direktor müavini olub.

Qeyd edək ki, məlum hadisələrlə bağlı  ictimaiyyət arasında daha çox Rabitə Nazirliyi adlanan bu qurumun rəhbərliyində təmsil olunanların əksəriyyəti işdən çıxarılıb, bir hissəsi hətta həbsə alınsa da, S. Kazımova toxunulmayıb. Halbuki “Rabit işində” ən çox qanunsuzluqların baş verdiyi qurumlardan biri kimi məhz  “Azərpoçt” MMC-nin adı hallanırdı. Bu şirkətin sabiq baş direktoru Qəmbər Bəybalayev Baş Prokuror yanında Korrupsiyaya qarşı Mübarizə Baş İdarəsinin əməkdaşları tərəfindən saxlanılmışdı.  Qəmbər Bəybalayev ötən ay başa çatan “Rabitə işi” adlanan məhkəmədə korrupsiya və külli miqdarda dövlət vəsaitini mənimsəməkdə ittiham olunaraq 3 il müddətinə azadlıqdan məhrum edilib.

ac7032a0f75d

Ancaq qəribə də olsa, Qəmbər Bəybalayev həbs olunana qədər ona müavinlik etmiş (2004-cü ildən) Sübhan Kazımov nəinki işdən çıxarıklıb, hətta hazırda Baş direktorun vəzifəsini icra edir.

Ü.Mansurovun işdən niyə çıxarıldığı haqda hələlik rəsmi məlumat yoxdur. Bir ay bundan əvvəl ərizə yazan baş direktorun niyə indi işdən çıxdığı xəbərinin yayılması da bu işlə bağlı suallardan biridir.

Ancaq bu fakt Azərbaycanda bir çox sahələrdə kadr siyasətinin nə ədər acınacaqlı vəziyyətdə olduğunu əyani göstərir. Təyinatların şəxslərin fəaliyyətinə, əvvəlki işlərdəki nəticələrinə görə deyil, hansısa maraqlar daxilində baş tutduğunu təsdiqləyir. Hər halda Rabitə Nazirliyinin əsas strukturlarından birinə “Baş direktor” təyinatı həyata keçirilərkən, Ülvi Mansurova rəsmən vəzifə tutmağın qadağan edilməsinin nəzərə alınmaması belə düşünməyə əsas verir.

M.Məmmədov
AzPolitika.info


loading...




Fikrinizi bildirin