Bu il 13 bank filialı bağlanıb
Baxiş sayı:
Dərc olunub:
11/12/2017 - 10:27
Bu ilin yanvar-oktyabr aylarında banklara məxsus 13 filial bağlanıb.
"APA-Economics" Maliyyə Bazarlarına Nəzarət Palatasının (MBNP) açıqladığı statistikaya istinadən xəbər verir ki, yanvar ayından noyabrın 1-dək bankların ümumilikdə 13 filialı fəaliyyətini dayandırıb.
Belə ki, əgər bu ilin yanvarın 1-nə ölkədə bankların filiallarının sayı 569 olubsa, oktyabrın sonunda bu göstərici 556-ya qədər azalıb. Oktyabrda bankların filiallarının sayı 1 ədəd azalıb.
Bundan fərqli olaraq, hesabat dövründə bank şöbələrinin sayında cüzi artım qeydə alınıb. Əgər bu ilin yanvarın 1-dək 131 bank şöbəsi fəaliyyət göstəribsə, apreldə şöbələrin sayı 142-yə yüksəlib.
Qeyd edək ki, cari ilin 10 ayında ölkədə 31 bank fəaliyyət göstərib.
Şərhlər
Azərbaycanda bütün rayonlarda və böyük kəndlərdə belə dövlət(milli) bankın filialları vacibdir. Sürətli kosmopolit-dağıtma və Elektron hökumət olan yerdə digər filiallara ehtiyac qalmır. Digər bankların özlərinə də zəruriyyət yoxdur. Ancaq, maliyyə əməlləri ilə milyon qazanma və daha qanuni məxaric-özəlləşdirmə üsulları yoxdur?