Kaka futbolçu karyerasını rəsmən başa vurub

Dərc olunub: 17/12/2017 - 22:50

kakaBraziliyalı yarımmüdafiəçi Kaka futbolçu karyerasını rəsmən başa vurub.

“Report”un məlumatına görə, bu barədə 35 yaşlı oyunçunun özü TV Globo-nun efirində açıqlama verib.

“Son sözüm budur ki, peşəkar karyeram başa çatdı”, – deyə “sambaçı” bildirib.

Kaka Braziliyanın “San Paulu”, İtaliyanın “Milan”, İspaniyanın “Real Madrid” və ABŞ-ın “Orlando Siti” komandalarında forma geyinib. O, 2002-ci ildə dünya çempionu, 2007-ci ildə isə “Qızıl top”un sahibi olub. 2002 – 2016-cı illərdə Braziliya millisinə çağırılmış ulduz futbolçu 92 oyuna 29 qol vurub. Kakaya daha əvvəl “Milan”da direktor vəzifəsi təklif olunsa da, o, hələ yekun qərarını verməyib.








loading...


Fikrinizi bildirin