AZƏRBAYCAN QÜDSÜ İSRAİLİN PAYTAXTI KİMİ TANIMADI - Foto
Azərbaycan BMT Baş Assambleyasında Qüdsün İsrailin paytaxtı kimi tanınmaması ilə bağlı qətnamənin lehinə səs verib. “Report” xəbər verir ki, məlumatı BMT-nin mətbuat xidməti yayıb.
Azərbaycanla yanaşı, BMT Təhlükəsizlik Şurasının 5 daimi üzvündən 4-ü - Böyük Britaniya, Çin, Fransa və Rusiya, habelə dünyanın aparıcı dövlətlərindən Almaniya, İspaniya, Yaponiya, Belçika, İtaliya, Norveç də Qüdsün İsrailin paytaxtı kimi tanınmaması haqda qətnaməni dəstəkləyiblər.
Qeyd edək ki, ötən gecə BMT Baş Assambleya ABŞ-ın Qüdsü İsrailin paytaxtı kimi tanıması qərarının qəbul edilməməsi ilə bağlı qətnaməni qəbul edib. Sənədin lehinə 128 ölkə səs verib. 9 ölkə qətnamənin əleyhinə olub. 35 dövlət isə bitərəf qalıb.
Qətnamənin əleyhinə ABŞ, İsrail, Qvatemala, Honduras, Marşall adaları, Toqo, Nauru, Palau, Mikroneziya səs verib. 20 ölkə o cümlədən Gürcüstan, Ukrayna, Moldova, Monqol Eli, Zambiya səsvermədə iştirak etməyib.
Şərhlər
Noolsun Qarabağı da heç kim tanımır.Ancaq onun bizə nə xeyiri var ki,başqasının adına alınıb sona qədər sürülən avtomobillər kimi...ABŞ-ın qəbul elədiyi qərar zaman-zaman öz hədəfinə çatacaq.Qüts nədir ki,islam dövlətlərinin diktatura rejimləri Dünyəvi Dövlətlərin siyasi coğrafiyasında əriyib , yox olacaq.