“İqtisadiyyata 225 milyard dollar həcmində investisiya yatırılıb” - Nazir

“2003-2017-ci illərdə milli iqtisadiyyat 3,4 dəfə, o cümlədən qeyri-neft sektorunun 2,6 dəfə artıb, strateji valyuta ehtiyatları 26,2 dəfə çoxalaraq bu ilin oktyabr ayının əvvəlinə 42 milyard dollar səviyyəsinə çatıb, iqtisadiyyata 225 milyard dollar həcmində investisiya yatırılıb”.

“APA-Economics”in məlumatına görə, bu barədə Azərbaycan əmək və əhalinin sosial müdafiəsi naziri Səlim Müslümovun “Azərbaycan” qəzetində dərc olunmuş məqaləsində qeyd olunub. Nazir bildirib ki, “Qlobal rəqabət qabiliyyəti” hesabatları üzrə 2005-ci ildəki 69-cu yerdən 34 pillə irəliləyərək 2017-ci ildə 35-ci yerə yüksələn Azərbaycanda eyni zamanda bütün çadır düşərgələrinin ləğvinə, məcburi köçkünlər üçün 100-ə yaxın müasir yaşayış kompleksinin salınaraq bu təbəqədən olan 250 min insanın mənzil şəraitinin yaxşılaşdırılmasına nail olunub, 3 mindən çox məktəb, 600-dən artıq tibb ocağı, 40-dan çox olimpiya idman kompleksi tikilib və hazırda da bu proses davam etdirilir.

“2003-2016-cı illərdə əhali gəlirlərinin 8 dəfə artması ölkəmizdə həyata keçirilən sosial-iqtisadi siyasətin mühüm istiqamətlərindən biri kimi əhalinin həyat səviyyəsinin yüksəldilməsi üçün imkanların yaradılması və bu əsasda əhalinin gəlirlərinin dəstəklənməsi tədbirlərinin ardıcıl reallaşdırılmasının əyani təsdiqidir. Bu artım tendensiyası 2017-ci ildə də davam edib və cari ilin 11 ayında əhalinin nominal gəlirləri 8,2 faiz artaraq 43,4 mlrd manata, adambaşına düşən gəlirlər 7,2 faiz artaraq 4459 manata çatıb. Ölkəmiz dövlət müstəqilliyi əldə etdikdən cəmi 9 il sonra - 2000-ci ildə BMT-nin Minilliyin İnkişaf Məqsədlərinə qoşulsa da, bu məqsədlərin icrasında, xüsusən də yoxsulluğun azaldılmasında böyük nailiyyətlərə imza atan ölkələrdən biridir. Məqsədyönlü dövlət proqramları, kompleks tədbirlər nəticəsində yoxsulluğun 5 faiz səviyyəsinə qədər azaldığı Azərbaycan BMT-nin 2030-cu ilədək Dayanıqlı İnkişaf Məqsədləri üzrə Gündəliyindəki öhdəliklərin icrasında da fəal iştirak edir. Məqsədlərdən səkkizincisi inklüziv və dayanıqlı iqtisadi inkişafı, eləcə də hər kəs üçün tam və məhsuldar məşğulluğu nəzərdə tutur”, - deyə S.Müslümov vurğulayıb.

635x100

Şərhlər

aysberq 2017-12-23 11:53:12

Bağışlayın ey, yaxşı eşitmədik, Siz Panamadakı iqtisadiyyatdan danışırsınız??

Damla Dənizova 2017-12-23 11:53:12

Bəziləri adətən gurultulu şüarla mənsəb və özünə aid olmayan astronomik rəqəmlər hesabat verir. 100 illik qazı olan "ÖLKƏ" Qarabağı Qərbin acığına silahlandıran Kremldən qaz alır və 42 milyard valyuta ehtiyatı olan DÖVLƏT 5000(beş min) bələdiyyəyə cəmi 5 milyon pay verir. Bu ən uzunu 10 km yol üçün S.Məmmədova buraxılan məbləğə bərabərdir. Görəsən, cənab NAZİR önəmli "Sosial" siyasətin bu fenomenial flyügerini RF deputatı Arif bəyə nə ilə əsaslandırıb?

Son yazılar