"Bu gün Rusiya sabitləşdirici amildir" - İlham Əliyev

"İctimai-siyasi sabitlik olmadan uğura nail olmaq mümkün deyil. Biz son illərdə kifayət qədər qanlı hadisələrin, toqquşmaların, ədavətin, dinlərarası qarşıdurmaların, konfessiyalararası ziddiyyətlərin, etnik münaqişələrin şahidi olmuşuq. Buna görə də mövcud beynəlxalq mənzərə bir daha sizin həyata keçirdiyiniz kursun doğruluğunu göstərir".

“Report” xəbər verir ki, bunu Azərbaycan Prezidenti İlham Əliyev dekabrın 26-da Moskvada MDB dövlət başçılarının qeyri-rəsmi görüşündə Rusiyanın 2017-ci il ərzində quruma sədrliyinə münasibət bildirərkən deyib.

"Bu gün Rusiya sabitləşdirici amildir. Əlbəttə, bir daha demək istəyirəm, yaxın qonşu, dost və tərəfdaş kimi biz, təbii ki, Rusiyada baş verən prosesləri çox maraqla izləyirik. Təəssüf ki, bir çox hallarda beynəlxalq hüququn normalarına riayət olunmur. Bəzən kobud şəkildə pozulur. Bununla da dünyanın nizamı pozulur. O dünya nizamı ki, İkinci Dünya müharibəsi qurtardıqdan sonra yaradılmışdı. Sizin beynəlxalq hüququn normalarına şəxsi sədaqətiniz beynəlxalq hüququn normalarının pozulmasından zərər çəkən bütün ölkələrə ədalətin bərpa olunacağına böyük ümid verir", - deyə Azərbaycan Prezidenti bildirib.

İlham Əliyev bu il ərzində MDB məkanında inteqrasiya prosesləri üçün xeyli iş görüldüyünü vurğulayıb:

"Əmtəə dövriyyəsinin artması da bizim iqtisadiyyatlarımızın təkcə bərpasının, iqtisadi vəziyyətin sabitləşməsinin deyil, həm də dost ticari-iqtisadi əlaqələrin gələcəkdə möhkəmləndirilməsinin zəruriliyinin göstəricisidir. Biznes həmişə baş verən proseslərə çox dəqiq reaksiya verir və qarşılıqlı investisiyalar, əmtəə dövriyyəsinin artması ölkələr arasında münasibətlərdən heç də az dərəcədə asılı deyil. MDB məkanında müşahidə etdiyimiz müsbət meyillər, şübhəsiz, ticari-iqtisadi sahədə müşahidə etdiyimiz fəallığa təkan verib. Rusiya MDB-də birləşdirici rol oynayır. Sizin rəhbərliyiniz altında Rusiya sosial-iqtisadi inkişafda böyük uğurlar qazanıb. Rusiya beynəlxalq arenada böyük nüfuza malikdir və bu gün beynəlxalq məsələlərdə aparıcı rollardan birini oynayır. Sizin rəhbərliyiniz altında sabitlik təmin edilib. Bu sabitlik ictimai razılığa əsaslanır. Rusiya xalqının qarşıdakı prezident seçkilərində düzgün seçim edəcəyi, fikrimcə, Azərbaycanda heç kəsdə şübhə doğurmur. Biz çox yaxşı bilirik ki, Rusiya-Azərbaycan ikitərəfli münasibətlərinin uğurlu inkişafı Sizin adınızla bağlıdır. Bu gün bu münasibətlər strateji tərəfdaşlıq səviyyəsinə çatıb. Bu münasibətləri hər iki tərəf belə səciyyələndirir və çox müsbət artım dinamikasına malikdir".

635x100

Şərhlər

Kamandar 2017-12-27 23:35:47

Men bütün rusyada yaşayan oranın vetendaşı olmuş bütün hemvetenlermize bir şehid atası kimi seslaniremki size and verirem şehidlermizin ruhnakı her ay ölen eskermizin o işxal olan torpaqlarmızın qaytarılması namine esker ölümne son vermek ecün size yalvarıramki putin hakimyetne yox deyin sizde o genc aleksey navalnıya desdek olun o deyirki hec bir separadcı devletleri tanımayacam krım ukrayna abxaz asetya gürgünün qarabag ise azerbaycan erazisi kimi tanıyacam ve ogurluga son qoyacam

Son yazılar