“DEPUTATIN ƏMƏLİYYATI ÇƏTİN KEÇİB…” – Yaxınlarından açıqlama (Yeniləndi)

Dərc olunub: 15/01/2018 - 11:14

1449123379_8804151583786370 saylı Masallı şəhər seçki dairəsinin deputat Nəriman Əliyevin müalicəsi Respublika Müalicəvi Diaqnostika Mərkəzində davam etdirilir.

Yaxınlarının “Report”a verdiyi məlumata görə, deputatın əməliyyatı çətin keçib: “Buna səbəb xəstəliyinin gec aşkar olunması və müalicəsinə vaxtında başlamaması olub. Bu səbəbdən Nəriman Əliyev bu həftə ərzində xəstəxanada qalmalı olacaq”.

Respublika Müalicəvi Diaqnostika Mərkəzindən isə “Report”a bildirilib ki, deputat Nəriman Əliyevin səhhətinin hazırki durumunun açıqlanması ilə bağlı həkimin qərarını gözləmək lazımdır.

***

Milli Məclisin deputatı Nəriman Əliyev komaya düşüb. Modern.az saytına verilən məlumata görə, Nəriman Əliyev artıq 3 gündür Respublika Diaqnostika Mərkəzinin reanimasiya şöbəsində koma vəziyyətindəddir.

Məlumata görə, N.Əlyev ürək damarlarının tıxanıqlığı səbəbindən anju əməliyyatı keçirib və elə əməliyyatdan sonra da komaya düşüb.

N.Əliyev Milli Məclisdə 70 saylı Masallı şəhər seçki dairəsini təmsil edir. O, parlamentin İctimai birliklər və dini qurumlar komitəsinin üzvüdür.

Deputat həmkarı Cavanşir Paşazadə bildirib ki, Nəriman Əliyevin vəziyyəti yaxşılığa doğru dəyişib: “Bu hal hər adamda baş verə bilər. Təsadüfi xəstəlikdir. Artıq səhhəti yaxşılığa doğru dəyişib, problem arxada qalıb. Ürək damarlarından biri dəyişilib. Ürəyində ciddi problem yarananda həkimi yanında olub. Tez bir zamanda xəstəxanaya çatdırıblar. Həkimi ilə əlaqə saxlamışam. Həkimi vəziyyətinin yaxşı olduğunu dedi. Artıq qorxulu nəsə yoxdur. Ona Allahdan tezliklə şəfa diləyirəm”.

“AzPolitika”ya daxil olan məlumata görə, Nəriman Əliyevin  ürəyində problemin olduğu təsadüfən aşkarlanıb.

Belə ki, o, həyat yoldaşını müayinədən keçirmək üçün Respublika Diaqnostika Mərkəzinə gətirib. Gəlmişkən, özü də müayinədən keçib. Bu zaman məlum olub ki, ürək damarlarında tıxanıqlıq var, anju olunmalıdır.

Abbasəli Abbasəliyev

Abbasəli Abbasəliyev

Lakin tanınmış kardioloq Abbasəli Abbasəliyev deputatı anju edərkən o, komaya düşüb. Təcili olaraq tanınmış kardioloq, deputat Rəşad Mahmudov əməliyyata cəlb olunub və o, açıq ürək əməliyyatı ilə deputatı həmin an ölümdən qurtarıb.

Deputatın hələ də komada olduğu bildirilir.








loading...


Fikrinizi bildirin