Bakıda kreditlə maşın alan şəxsin başına iş gəldi - DƏLƏDUZLUQ

Bakı sakini üzləşdiyi dələduzluq əməli ilə bağlı hüquq-mühafizə orqanına müraciət edib.

Lent.az xəbər verir ki, 1979-cu il təvəllüdlü Faiq Bağırov Səbail Rayon Prokurorluğuna ərizə ilə müraciət edərək bildirib ki, 2013-cü ildə bankların birindən yeni aldığı “Kia Rio” markalı avtomobili girov qoyması müqabilində 13800 dollar kredit götürüb. Lakin həmin krediti ödəyə bilmədiyi üçün F.Bağırov avtomobili 2016-cı ilin avqustunda 34 yaşlı Teymur Məmmədova satıb və Yasamal rayonundakı notariusda maşını onun adına sənəndləşdirib. Avtomobili almaq üçün müəyyən məbləğdə pul verən T.Məmmədov qalan krediti ödəməyi üzərinə götürüb. Lakin bu günlərdə məlum olub ki, avtomobili alan şəxs kredit öhdəliyini yerinə yetirməyib və onu başqasına satıb.

Müraciət əsasında araşdırma aparılır.