BAKIDA 16 MƏRTƏBƏLİ BİNADA ÇATLAR YARANDI - Fotolar
Bakının Suraxanı rayonunun Yeni Günəşli yaşayış massivindəki Günəşli yaylası çökmə-oturma sahəsində 16 mərtəbəli binada çatlar yaranıb.
Bunu Trend-ə Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.
Onun sözlərinə görə, bu halı bu gün Zığ və Günəşli yaylasındakı əraziyə baxış keçirərkən müşahidə ediblər:
“Günəşli yaylası təxminən Qaraçuxur qəsəbəsində yerləşən “Lukoyl” yanacaqdoldurma məntəqəsindən başlayır və dəniz istiqamətində davam edir.
Günəşli yaylasında tektonik qırılma xətti keçir. Oradakı çatları, torpaq qatı üzərində baş vermiş deformasiyaları aydın şəkildə gözlə görmək mümkündür. Burada həmin tektonik qırılma xətti boyunca yamac istiqamətində evlərin əskəriyyətində çatlar, deformasiyalar yaranıb. Bugünkü müşahidələrimiz də onu göstərdi ki, son günlər ərzində çatlar artıb.
Eyni zamanda, həmin ərazidə 16 mərtəbəli yeni bir bina da inşa olunub. Həmin binanın bir küncü qırılma xəttinə düşür. Bu gün binada xırda da olsa, çatlar müşahidə etdik. Binanın 5-6 metrlik məsafəsində olan tikililər isə tam yararsız vəziyyətə düşüb”.
Günəşli yaylasında yamacın həddindən artıq yükləndiyini deyən Ə.Qaralov əlavə edib ki, mövsümlə əlaqədar yağıntıların miqdarının artması, məişət sularının axıdılması nəticəsində torpaq qatı həddindən artıq ağırlaşıb: “Eyni zamanda, tektonik qırılma baş verib. Yamac da dikdir. Orada da çox sayda evlər tikilib”.
[gallery columns="5" size="full" ids="386760,386761,386762,386763,386764"]
Şərhlər
Suraxanı İH Başçısı günü bu gün də pul müqabilində o ərazilərdə tikintiyə icazə verir.
Bu Binanın özünü və ətrafındakı məhlə evlərini Suraxanının bu gün ki,İH Başçısı ``verib``.Və bu gün də şifahi,..ancaq dəqiq razılaşma yoluyla həmin ərazilərdə tikinti davam edir.İH Başçısı o qəddddər humanist adamdır ki,ondan ev tikmək üçün torpaq istəyəni imkanına uyğun razı salır..Və ərazinin təhlükəli olduğunu,söhbət əsnasında , `` o ərəfədə`` gizlədir.