Məhkəmə Aslan İsmayılovu təqsirləndirilən şəxs qismində tanıyıb - FOTO
Hüquqşünas Aslan İsmayılov xüsusi ittiham qaydasında məhkəməyə cəlb edilib və təqsirləndirilən şəxs qismində tanınıb.Bu barədə fevralın 1-də Səbael Rayon Məhkəməsində hakim Azər Tağıyev qərar qəbul edib.
A.İsmayılovu Müasir Müsavat Partiyasının sədri Hafiz Hacıyev məhkəməyə verib. O, hüquqşünasın Cinayət Məcəlləsinin 147 (böhtan) və 148 (təhqir) maddələri ilə cinayət məsuliyyətinə cəlb edilməsini istəyir.
Fevralın 1-də A.İsmayılov polis vasitəsilə məhkəməyə gətirilib. Hüquqşünas bildirib ki, onu ofisindən gəlib götürüblər. A.İsmayılova dəstək məqsədi ilə onlarla insan məhkəmənin qarçısına gəlsə də, prosesə buraxılmayıb. Hamıya bildirilib ki, məhkəmə zalında yer yoxdur.
Məhkəmənin önünə xeyli polis olub. Onlar adamlara məhkəmənin binası qarşısında da dayanmağa icazə verməyiblər.
Hazırlıq iclasında H.Hacıyev özü də iştirak edib. O, A.İsmayılovun prezident və ailəsini, məmurları təhqir etdiyini söyləyib. H.Hacıyevin iddiasına görə, A.İsmayılov sosial şəbəkələrdə onu “canlı” adlandırmaqla təhqir edib, başqalarını şantaj edib pul aldığını deməklə böhtan atıb.
A.İsmayılov isə H.Hacıyevin iddiasının əsassız olduğunu bildirib və onun icraata götürülməməsini istəyib.
Ancaq hakim A.Tağıyev hazırlıq iclasının yekununda fərqli qərar çıxarıb - iddia icraata götürülüb, A.İsmayılov təqsirləndirilən şəxs qismində tanınıb.
Məhkəmə baxışı fevralın 7-nə təyin edilib.
A.İsmayılov hesab edir ki, onun cəzalandırılması sifarişdir və H.Hacıyevdən sadəcə vasitə kimi istifadə olunur. Cəzalandırılmasına səbəb isə Milli Onkologiya Mərkəzində korrupsiya halları, apteklərdə psixotrop tərkibli dərmanların reseptsiz satılması və s. haqda yaydığı materiallardır.(amerikaninsesi.org)
Şərhlər
Bəyəm Azərbaycanda haqqa,ədalətə,hüquqa söykənən,öz fəaliyyətində ancaq qanunun aliliyi prinsipini etalon kimi qəbul edən,qərəzsiz,sifarişsiz işləyən,müstəqil məhkəmə varmı?
Zelimxan Yaquba Allah rehmet elesin, Cox yerde mekirli oyun olacaq, Wlr peleng cevrilib qoyun olacaq, Held nece defe toyun olacaq, Zarafat gelmesin sene by dunya. Qeybetin quyusu,hiylenin toru, Sene diri-diri fostered toru. Basin var bawsizdan bawini qoru, Zarafat gelmesin sene by dunya. Weytan dura-dura werlener deve, Qatir quyrugunda herlener deve, Kininden yixilar,tirlener deve, Zarafat gelmesin sene by dunya...
Vallah Aslan İsmayilav bir kisiye gore mehkemeye cagrilsaydi......