Ramil Usubov Kəpəz rayonuna yeni polis rəisi təyin edib

Gəncə şəhər Kəpəz rayon Polis İdarəsinə yeni rəis təyin olunub. APA-nın qərb bürosunun verdiyi məlumata görə, daxili işlər naziri, general-polkovnik Ramil Usubovun əmri ilə Gəncə şəhər Baş Polis İdarəsi Cinayət Axtarış İdarəsinin rəisi, polkovnik-leytenant Vüqar Xəlilov vəzifəsindən azad edilərək Kəpəz rayon Polis İdarəsinə rəis təyin olunub. O bu gün işləyəcəyi kollektivə təqdim edilib.

Qeyd edək ki, Kəpəz rayon Polis İdarəsinin rəisi Azər Tağıyev ötən ilin dekabr ayında daxili işlər nazirinin əmri ilə Saatlı rayon Polis Şöbəsinə rəis təyin edilmişdir.

635x100

Şərhlər

Aşıq 2018-02-11 11:44:33

Allah xeyir versin.

Son yazılar