POLİS VƏ DTX ƏMƏLİYYAT KEÇİRİB - Civə satmaq istəyən şəxslər tutulub (Fotolar)
İnsan sağlamlığına güclü təsir göstərən zərərli kimyəvi maddə hesab edilən civə satmaq istəyən şəxslər saxlanılıb.
DIN-in mətbuat xidmətindən APA-ya verilən məlumata görə, Nizami Rayon Polis İdarəsi 24-cü Polis Bölməsi və Dövlət Təhlükəsizliyi Xidmətinin (DTX) yerli idarəsinin əməkdaşlarının birgə həyata keçirdikləri əməliyyat nəticəsində Ağcəbədi rayon sakinləri, Tuqay İmanov, Adəm İsmayılov və əvvəllər məhkum olunmuş Hacı Qurbanov 400 qram civəni satmaq istəyən zaman cinayət başında saxlanılıblar.
Araşdırma zamanı məlum olub ki, əvvəlcə A.İsmayılov onda civə olması barədə digər dəstə üzvlərinə məlumat verib. Daha sonra H.Qurbanov həmin civəyə müştəri tapıb satmağı və əldə edilən pulu 3 nəfər arasında bölməyi təklif edib.
Faktla bağlı Nizami Rayon Polis İdarəsinin İstintaq Şöbəsində cinayət işi başlanıb, araşdırmalar davam etdirilir.
Şərhlər
Olmazmı Qarabağ ərazilərində əməliyat həyata keçirdib,erməni separatçılarıyla əlbir olub,millətimizə qarşı terrorlar təşkil edən yezidi Kürdləri,terrorçu ərəbləri,PKK liderlərindən birini zərərsizləşdirib,fəailiyyətlərini ortalığa qoyalar.