KÖHNƏ PREZİDENT, YENİ KOMANDA: KİMLƏR GEDƏCƏK? - Yeni təhsil, səhiyyə nazirləri...
Azərbaycanda 2018-ci il aprelin 11-nə təyin olunan növbədənkənar prezident seçkilərinin nəticələri hamı üçün aydındır - hazırki Prezident İlham Əliyevin daha 7 il üçün mandat alacağına heç kimin şübhəsi yoxdur. Bu səbəbdən seçkinin özünə ictimai maraq aşağıdır. Lakin eyni zamanda seçkidən sonrakı proseslərlə bağlı çox ciddi gözləntilər var. Əksəriyyətin gözləntisi, proqnozu ondan ibarətdir ki, Prezident Əliyev seçkidən sonra komandasını ciddi şəkildə yeniləyəcək, tamamilə yeni komanda, yeni düşüncə tərzi iş başına gələcək. Bu, zamanın tələbidir!
Qeyd edək ki, bəzi ekspertlər, hətta hakimiyyət təmsilçləri seçkilərin, təxminən, 7 ay irəli çəkilməsini məhz bununla - hakim komandada planlaşdırılan ciddi kadr dəyişikliklərini sürətləndirmək niyyəti ilə bağlayırlar. Belələrinin fikrincə, hökumətdə ciddi islahatlara zərurət yarandığından, ancaq bunu seçkidən əvvəl həyata keçirmək müəyyən qədər özündə risk daşıdığından (Vəzifəsini itirəcək oliqarxların və onların arxasında duran daxili-xarici çevrələrin buna necə reaksiya verəcəkləri məlum deyil-müəl.), seçkilərin tarixi irəli çəkilib.
Bu ehtimalı Azərbaycan Prezidentinin xarici siyasət məsələləri üzrə köməkçisi Novruz Məmmədov da təsdiqləyib. Onun “gündəlikdə olan islahatların səmərəsinin artırılması, kadr və struktur islahatlarının aparılması məqsədilə Prezident seçkilərinin aprel ayına təyin edilməsi məqsədəuyğun hesab edilib” fikrini əslində, seçkidən sonra hakim komanda daxilində ciddi dəyişikliklərin olacağına dair rəsmi anons da hesab etmək olar.
Xatırladaq ki, Prezident and içdikdən dərhal sonra bütün hökumət üzvləri avtomatik istefaya getmiş hesab olunacaqlar. Bu da planlaşdırılan kadr və struktur islahatlarını daha ağrısız, sürətli və kütləvi şəkildə reallaşdırmağa imkan yaradır.
Azərbaycan hökuməti struktur və say tərkibinə görə regionda liderdir!
Gözlənilən islahatlar “dalğasının” kimləri özü ilə aparacağını indidən proqnozlaşdırmaq, əlbəttə, çətindir. Ancaq hakim komandanın tərkibinə, hakimiyyətdə son illər həyata keçirilən islahatların gedişinə, mahiyyətinə diqqət etməklə, eləcə də hökumət dəhlizlərində gəzən söhbətlərə əsaslanaraq, müəyyən ehtimallar irəli sürmək olar.
İlk növbədə qeyd edək ki, Azərbaycanda hökumətin struktur və tərkibi çox genişdir. Prezidentin Dövlət Dəniz Administrasiyasını və Dövlət Mülki Aviasiya Administrasiyasını Nəqliyyat və Rabitə Nazirliyinə birləşdirməsinə dair sərəncamından sonra üzvlərinin sayı 40-a düşən Nazirlər Kabinetimiz, nəinki regionda liderdir, hətta dünyanın ən geniş tərkibli hökumətlərindən biridir. Düzdür, son illər Nazirlər Kabineti üzvlərinin sayı bir qədər azaldılıb - 2015-ci ildə Nazirlər Kabinetinin 45 üzvü vardı. Ancaq yenə də hökuməti tərkibini ciddi şəkildə ixtisar etməyə ehtiyac var. Müqayisə üçün qeyd edək ki, əhalisi bizdən 8 dəfə çox olan Türkiyədə 27, Gürcüstanda 20, Ermənistanda 25 nəfər hökumət üzvü var.
Buna görə də, hökumətdə aparılacaq islahatlar nəticəsində bəzi qurumların birləşdirilməsi, bəzi vəzifələrin ləğv olunması gözləniləndir. Dövlət başçısı da ötən il çıxışında bildirmişdi ki, idarəetmə sahəsində çox ciddi islahatlar davam etdiriləcək: “Bu islahatlar daim aparılır. Ancaq gələn il daha da ciddi struktur islahatları aparılacaq. Biz, xüsusilə idarəetmə sahəsində artıq yeni formatda, daha böyük səmərə ilə işləməliyik”.
Hökumətdə gözlənilən struktur islahatları: hansı qurumlar ləğv edilə bilər?
Dəqiq məlumat olmasa da, bəzi iddialara görə Dövlət Gömrük Komitəsi ləğv ediləcək, səlahiyyətlərinin bir qismi "ASAN xidmət”ə ötürülməklə, ayrıca idarə kimi Vergilər Nazirliyinin tərkibinə veriləcək.
Bundan əlavə Kənd Təsərrüfatı Nazirliyinin ləğv ediləcəyi, səlahiyyətlərinin İqtisadiyyat və Sənaye Nazirliyi ilə Ekologiya və Təbii Sərvətlər nazirlikləri arasında bölüşdürüləcəyi gözlənilir.
Standartlaşdırma, Metrologiya və Patent üzrə Dövlət Komitəsinin ləğv edilərək, funksiyalarının İqtisadiyyat Nazirliyinə, Diasporla İş üzrə Dövlət Komitəsinin ləğv olunaraq, XİN-ə birləşdiriləcəyi mümkün hesab olunur.
Həmçinin Ailə, Qadın və Uşaq Problemləri üzrə Dövlət Komitəsinin, Dövlət Şəhərsalma və Arxitektura Komitəsinin, Statistika Komitəsinin ləğvi, səlahiyyətlərinin başqa qurumlara veriləcəyinə dair iddialar var.
“Azərsu” və Meliorasiya və Su Təsərrüfatı səhmdar cəmiyyətlərinin ləğv edilməsi, onların bazasında Dövlət Su Agentliyinin yaradılması, həmçinin “Azərenerji”nin Dövlət Neft Şirkətinə birləşdirilməsi də reallaşması mümkün olan təkliflərdən hesab edilir.
Başqa fikir və təkliflər də mövcuddur. Bunların nə qədərinin və nə zaman həyata keçiriləcəyini söyləmək çətindir. Ancaq fikrimizcə, seçkidən dərhal sonra hökumətdə belə köklü dəyişiklikləri gözləmək yanlış olardı. Bu ölkədə böyük sayda işsizlərin meydana çıxmasına, ciddi sosial gərginliyə yol aça bilər. Ona görə də, bu islahatlar yəqin ki, mərhələlərlə həyata keçiriləcək, ağrısız olması üçün zamana səpələnəcək.
Odur ki, seçkidən sonra hökumətin tərkibində kardinal deyil, müəyyən kadr dəyişikliklərinin həyata keçiriləcəyini gözləmək daha doğru olardı. Bu zaman struktur və kadr islahatlarının paralel aparılacağı, bəzi hökumət üzvlərinin başqa vəzifələrə keçiriləcəyi də istisna deyil. Ona görə də, seçkidən sonra mövcud hökumətin üzvlərindən kimlərin hansı vəzifəni tutacağını deyil, komandada kimlərin qalıb-qalmayacağını proqnozlaşdırmağın daha rasional olacağı düşüncəsindəyik. Çünki mümkündür ki, bəzi nazirlər seçkidən sonra hökumətin tərkibində olmayacaq, ancaq Prezident Administrasiyasında başqa bir vəzifəyə təyinat ala bilərlər. Məsələn, vitse-prezident vəzifəsinə....
Mötəbər mənbələrdən daxil olan məlumatları və hakimiyyət daxilində gedən prosesləri təhlil edərək, mövcud hökumətin tərkibini 3 qrupa ayırmaq olar:
1. Hakim komandada qalacağı şübhə doğurmayanlar.
2. Hökumətdə qalıb-qalmayacağı mübahisəli olanlar.
3. Hakim komandanı tərk edəcəyi şübhə doğurmayan və ya bu ehtimalı çox yüksək olanlar.
Kimlərin seçkidən sonra da hakim komandada qalacağı şübhə doğurmur?
Birinci qrupa, yəni seçkidən sonra da hakim komandada qalacağı şübhə doğurmayanlar qrupuna, fikrimizcə, aşağıdakı şəxsləri daxil etmək olar:
1. Baş nazirin birinci müavini Yaqub Eyyubov. 1945-ci ildə anadan olub, 1999-cu ildən (2003-cü ilədək baş nazirin müavini.) hökumətdədir.
2. Baş nazirin müavini Əli Əhmədov. 1953-cü ildə anadan olub, 2013-cü ildən hökumətdədir.
3. Baş nazirin müavini İsmət Abasov. 1954-cü ildə anadan olub. 2004-cü ildən (2013-cü ilədək kənd təsərrüfatı naziri) hökumətdədir.
4. Ədliyyə naziri Fikrət Məmmədov. 1955-ci ildə anadan olub, 2000-ci ildən hökumətdədir.
6. Daxili işlər naziri Ramil Usubov. 1948-ci ildə anadan olub, 1994-cü ildən hökumətdədir.
7. Fövqəladə hallar naziri Kəmaləddin Heydərov. 1961-ci ildə anadan olub, 1995-ci ildən hökumətdədir. 2006-cı ilədək Dövlət Gömrük Komitəsinin sədri olub.
8. Müdafiə naziri Zakir Həsənov. 1959-cu ildə anadan olub, 2013-cü ildən hökumətdədir.
9. Ekologiya və təbii sərvətlər naziri Hüseyn Bağırov. 1955-ci ildə anadan olub, 2001-ci ildən hökumətdədir.
10. Vergilər naziri Mikayıl Cabbarov. 1976-cı ildə anadan olub. 2004-cü ildən vəzifədə çalışsa da, hökumətin tərkibinə 2013-ci ildə təhsil naziri kimi daxil olub.
11. Mədəniyyət və turizm naziri Əbülfəs Qarayev. 1956-cı ildə anadan olub. 1994-cü ildən nazir postundadır (2006-cı ilədək gənclər və idman naziri vəzifəsində işləyib).
12. Xarici işlər naziri Elmar Məmmədyarov. 1960-cı ildə anadan olub, 2004-cü ildən hökumətdədir.
13. Maliyyə naziri Samir Şərifov. 1961-ci ildə anadan olub, 2006-cı ildən hökumətdədir.
14. Əmək və əhalinin sosial müdafiəsi naziri Səlim Müslümov. 1961-ci ildə anadan olub, 2002-ci ildən hökumətdə yer alır. 2013-cü ilədək o, Dövlət Sosial Müdafiə Fondunun sədri vəzifəsində çalışıb.
15. Gənclər və idman naziri Azad Rəhimov. 1964-cü ildə anadan olub, 2006-cı ildən hökumətdədir.
16. Nəqliyyat, Rabitə və Yüksək Texnologiyalar naziri Ramin Quluzadə. 1977-ci ildə anadan olub, 2016-cı ildən hökumətdədir.
17. Energetika naziri Pərviz Şahbazov. 1969-cu ildə anadan olub, 2017-cı ildən hökumətdədir.
18. Əmlak Məsələləri Dövlət Komitəsinin sədri Kərəm Həsənov. 1969-cu ildə anadan olub, 2009-cu ildən hökumətdədir.
19. Dini Qurumlarla İş üzrə Dövlət Komitəsinin sədri Mübariz Qurbanlı. 1954-cü ildə anadan olub, 2014-cü ildən hökumətdədir.
20. Dövlət Təhlükəsizliyi Xidmətinin rəisi Mədət Quliyev. 1958-ci ildə anadan olub, 2015-ci ildən hökumətdədir.
21. Xarici Kəşfiyyat Xidmətinin rəisi Orxan Sultanov. 1977-ci ildə anadan olub, 2015-ci ildən hökumətdədir.
22. Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimov. 1964-ci ildə anadan olub, 2007-ci ildən (2012-ci ilədək Dövlət Miqrasiya Xidmətinin rəisi) hökumətdədir.
23. Dövlət Miqrasiya Xidmətinin rəisi Firudin Nəbiyev. 1960-ci ildə anadan olub, 2012-ci ildən hökumətdədir.
24. Dövlət Sərhəd Xidmətinin rəisi Elçin Quliyev. 1967-ci ildə anadan olub, 2002-ci ildən hökumətdədir.
Hökumətdə qalıb-qalmayacağı mübahisəli olanlar
İkinci qrupa, yəni hökumətdə qalıb-qalmayacağı mübahisəli olanlar qrupuna, fikrimizcə, aşağıdakılar daxildir:
1. Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov. 1948-ci ildə anadan olub, 1998-ci ildən hökumətdədir.
2. Baş nazirin müavini Elçin Əfəndiyev – 1943-ci ildə anadan olub, 1993-cü ildən hökumətdədir.
3. Baş nazirin müavini Abid Şərifov – 1940-ci ildə anadan olub, 1995-ci ildən hökumətdədir.
Hər 3 baş nazirin müavininin yaşı o həddədir ki, islahat yönümlü hökumət qurularsa, onların yenidən təyin olunma şansları çox azdır. Həm də seçkidən sonra vitse-prezidentlik institutu tam şəkildə fəaliyyət göstərərsə, baş nazirin bu qədər müavininə də ehtiyac qalmayacaq. Bu zaman ilk növbədə, yəqin ki, qocalar yola salınacaq.
4. İqtisadiyyat naziri Şahin Mustafayev. 1965-cı ildə anadan olub, 2008-ci ildən hökumətdədir.
5. Standartlaşdırma, Metrologiya və Patent üzrə Dövlət Komitəsinin sədri Ramiz Həsənov. 1961-cı ildə anadan olub, 2005-ci ildən hökumətdədir.
6. Dövlət Statistika Komitəsinin sədri Tahir Budaqov. 1965-cı ildə anadan olub, 2015-ci ildən hökumətdədir.
7. Kənd təsərrüfatı naziri Heydər Əsədov. 1959-cu ildə anadan olub, 2013-cü ildən hökumətdədir.
Seçkidən sonra hökumətdə gözlənilən struktur islahatları çərçivəsində bu qurumların bəzilərinin ləğv olunaraq, səlahiyyətlərinin bölüşdürüləcəyi gözlənilir. Bu baş verərsə, çox böyük ehtimalla, səlahiyyətləri genişlənən İqtisadiyyat Nazirliyi yenidən qurulacaq. Yuxarıda adları çəkilən şəxslərdən hər birinin nazir təyinatı almaq şansı olduğu kimi, hökumətdən kənarda qalması da gözləniləndir.
8. Diasporla İş üzrə Dövlət Komitəsinin sədri Nazim İbrahimov. 1963-cü ildə anadan olub, 2002-ci ildən hökumətdədir.
9. Dövlət Gömrük Komitəsinin sədri Aydın Əliyev. 1957-ci ildə anadan olub, 2006-cı ildən hökumətdədir.
10. Ailə, Qadın və Uşaq Problemləri üzrə Dövlət Komitəsinin sədri Hicran Hüseynova. 1955-ci ildə anadan olub, 2006-cı ildən hökumətdədir.
Hökumətdə struktur islahatları həyata keçirilərsə, bu qurumların ilk növbədə ləğv olunacağı və səlahiyyətlərinin başqa qurumlara veriləcəyi heç kimdə şübhə doğurmur. İslahatlardan sonra bu 3 şəxsin hökumətdə yenidən təmsil olunması ehtimalı çox aşağıdır.
Seçkidən sonra hakim komandanı tərk edəcəklər
Üçüncü qrupa, hakim komandanı tərk edəcəyi ehtimalı çox yüksək olanlar qrupuna isə, fikrimizcə, aşağıdakılar daxildir:
1. Baş nazir Artur Rasizadə. 1935-ci ildə anadan olub, 1996-cı ildən Nazirlər Kabinetinə rəhbərlik edir. 1996-cı ildə və 2003-cü ildə baş nazirin müavini olub. Onun getməsini şərtləndirən amillərlə bağlı saytımızda yazı getdiyindən təkrarlamaq istəmirik.
2. Səhiyyə naziri Oqtay Şirəliyev. 1950-ci ildə anadan olub, 2005-ci ildən hökumətdədir.
3. Müdafiə sənayesi naziri Yavər Camalov. 1949-cu ildə anadan olub, 2006-cı ildən hökumətdədir.
Hər iki nazirin səhhətində ciddi problemlərin olması, rəhbərlik etdikləri sahələrdə baş verən xoşagəlməz halların artması onların seçkidən sonra təşkil olunacaq yeni hökumətdə təmsil olunma ehtimalını xeyli azaldıb. Hətta hökumət dəhlizlərində artıq yeni səhiyyə nazirinin adı hallanmağa başlayıb (Bu haqda əlavə xəbərimiz olacaq).
4. Milli Arxiv İdarəsinin rəisi Ataxan Paşayev. 1938-ci ildə anadan olub, 1984-cü ildən hökumətdədir.
5. Dövlət Şəhərsalma və Arxitektura Komitəsinin sədri Abbas Ələsgərov. 1937-cu ildə anadan olub, 2007-ci ildən hökumətdədir (Bu yaxınlarda vəfat etdi).
Milli Arxiv İdarəsinin rəisi Ataxan Paşayevin də yaşı 80-i keçdiyindən, yeni hökumətin tərkibinə düşəcəyinə az ehtimal verilir. Adları çəkilən qurumların struktur islahatları çərçivəsində başqa qurumlara birləşdirilməsi də gözləniləndir.
Qeyd edək ki, təhsil naziri vəzifəsi isə ötən ilin dekabrından boş olduğundan, seçkidən sonra hökumətin tərkibinə ən azı bir yeni şəxsin qatılacağı dəqiqdir.
Əlbəttə, hökumətin tərkibi ilə bağlı son qərarı Prezident verəcək. Ona görə də, hökumətdə kimlərin qalacağını, hansı struktur dəyişikliklərinin olacağını qətiyyətlə iddia etmək çətindir. Ancaq hər halda GEDƏNLƏR olacaq!
İ. İsmayılbəyli
AzPolitika.info
Şərhlər
L.Əliyevə,təmiz ,saf kadırlar lazımdır.Köhnələr getməlidir.
AzPolitika saytlardakı qəzetlərin ən yaxşısıdır. Qəzetdə dərc olunan tənqidi məqalələr hüquq-mühafizə orqanları tərəfindən yoxlanılıb tədbir görülsə dövləti məlumatlandırmağa ehtiyac qalmaz.
Hörmətli Quliyev Elxan Sarı oğlu, siz burda kiminlə deyişirsiniz, biz bilmirik. Əsasınız olmadan müəllifin adını hallandırmayın. O ki qaldı "köhnə prezident" sözünə... Belə başa düşürük ki, elm adamı, ziyalısınız. Belədirsə, İşverənlik sizə yaraşmır! Nə yazmışıq, nə etmişik, məsuliyyəti bizim boynumuzdadır. Sizin bizi nə iləsə təhdid etməyiniz həddinizi aşmaqdır. Burda şərait yaratmışıq, istədiyinizi yazırsınızsa, o demək deyil ki, bizim səhifəmizdə bizə qarşı işverənlik də edə bilərsiniz!
------------
davamı: yuxarıdan bir başa vəzifəyə təyin olunmağıma əmri M.M.Məmmədov və A.Ş.Mehdiyev olub.Cənab İ.İsmayılbəyli,şərh yazanda nala, mıxa vurmayın.Bilmədiyiniz məqamlara qarşı fikir yürütməyin. Yazınızda "Köhnə prezident" sözünü işlətməklə özünüzü ucuzlaşdırırsınız. İlham Əliyev idarə etməyə yenilik gətirən, Böyük və Kiçik Orta Asiyada,RF-də və Avropada kifayət qədər tanınan ən görkəmli əla keyfiyyətli siyasətçidir.O xaricdə dövlət başçıları ilə danışıq aparmasındakı mılahizələri diqqət çəkəndir.
"AZƏRQUŞSƏNAYE"İstehsalat Birliyinin yaradıcısı iqtisad elmləri namizədi Mehdi Məmməd o. Məmmədov,Beynəlxalq Astroavtika Federasiyasında yaxşı tanınan AZƏRBAYCAN MİLLİ AEROKOSMİK AGEHTLİYİ-nin banisi akademik Tofiq Kazım o. İsmayılov və həmin agentliyi müstəqil struktur kimi tantmağa çalışan akademik Arif Şəfaət o.Mehdiyev tarixin yaddaşından silinməyəcək.Müəssisəyə baş mütəxəssis təyin olunarkən ona nazir və yaxud nazir hüququnda baş direktor əmr vermir. Ancaq mənəvəzifəyə təyin olunmağıma M.M.Məmmədov
Cox teessuf ki,hormet beslediyim AZPOLITIKA secki mecellesini pozaraq munecimlik edir.Oz munecimliklerine guvenseler onda AZPOLITIKANIN ofisi yeqin serencamla ozel binalarinda yerlesecek,yaxsi qrant ve konvert maasda olacaq,saytin jurnalistleri fexri adlar,ev ve masin ve s. ile temin olunacaqlar.
Gəncliyimdən tutumuş tam qocalana kimi iki iri dövlət təşkilatlarında-"AZƏRQUŞSƏNAYE"İstehsalat Birlyi və T.İmayılov adına "TƏBİİ EHTİYATLARIN KOSMİK TƏDQİQİ İNSTİTUTU"nda baş mütəxəssis kimi fəaliyyətdə olmuşam. Çox təəssüf ki,hər iki təşkilat müstəqillik əldə etdikdən sonra nadanlar tərəfindən darmadağın edildi.Bu təkilatlar yadıma düşdükcə bu gün də ağrıyıram. Bunları əvəzində alverçi,soyğunçu,talançı yuvaları yaradıldı.Həmin müəssisələri yaradanların zəhmətini unudub adlarını çəkmək belə istımirlər.
Akad. Arif Mehdiyevin elmi fəaliyyətini burada müzakirə etmək mənasızdır, onun AAK-ın sədri vəzifəsində fəaliyyətini nə cür qiymətləndirirsən, çox maraqlıdır, ələlxüsus o səbəbdən ki, onun “profıssır” diplomu verdiklərinə, içi sən qarışıq, indi uzunqulaq deyirlər???......)))))))))))))
A.Mehdiyev bütün sənədləri hazırlamışdı ki,AMAKA müstəqil təşkilat olsun.Rəhbəri də ingilis və rus dilli, Leninqradda müdafiə etmiş AMAKA-nın Baş direktorunun 1-ci müavini vəzifəsində işləyirdi. Avropadakı Beynəlxalq Astronavtika Federasiyasında(BAF) yaxşı tanınırdı.Təəssüf ki, həmin əraziyə göz tikənlər bu işi Ali dairə vasitəsiylə kökündən ləğv etdirdilər.AMAKA-nın say seçmə kadrlarını darmadağın elədilər.Keçmiş SSRİ-də iki kosmik təşkilat varıydı ki,bunun biri Rusiyada,ikincisi Azərbaycanda idi...
davamı:nöyüt-qaz alverciləri ilə əvəz etdilər.Bunlar kosmik aparatlarla yox, foto aparatlarla Ay planetini "mşahidə"edə bilirlər. Bunlarin "elmi"Ay planetində "neft" də tapıbdır. Hal hazırda "Azərkosmos" peyki 60 milyon dollara başa gəlib 15-20 milyon dollar "mənfəət" verir.A.Mehdiyevi Avropanın Aerokosmik Agentliyi yaxşı tanıyırdı. Hal hazırda kosmik elmlə məşğulan olan bircə nəfər varki oda başını götürüb AMAKA-dan qaçdı. Onun kosmik elmədairkitablarıABŞ-dərcolunur A.Mehdiyevə,onunşagirdinədəhörmətim var.
Hörmətliİ.İsmayılbəyli!Akademik A.Mehdiyevi fateh Kərim Kərimov yaxşı tanıyırdı. AMAKA-nı inkişaf etdirmək üçün Hər ikisi Heydər Əliyevin qəbulunda olmuşdular... A.Mehdiyev vəzifəsindən gedəndən sonra AMAKA-ya əvvəl qeyd etdiyim bir eşşək-profısır gətirib tıyin etdilər. Mən də götürüb yeni prezidentə iki müraciət yazdım. Bu eşək də kollegiyada mənim məsələmi qoydular. İş elə gətirdi ki, bu eşşəyi də başqa eşşəklə əvəz etdilər və məni də vəzifəmdən qovdular. İndi başqa yerlərdə olduğu kimi Agentliyi nöyüt-
“Çətin vəziyyətimdə məni işlə təmin edən Arif Mehdiyev olub”.....alicənab hərəkətdir, söz yox, amma bir məsələ var - onlarla sənin kimisi, çətin vəziyyətə düşüb öz işlərini irəli apara bilməyənlər, onların fikri sənin fikirlərinlə üst-üstə düşmür ....))))))
"Bax bu yerdə xeyirhaqq insan Arif Şəfaət oğlu Mehdiyev yada düşür".....)))))zarafat edursən, ya həqqi sözündür???
davamı:postkapitalist təlimi və Azər xalqının yeni milli məfkurəsinin hazırlanmasından ibarətdir.O.yazır:"Yeni postkapitalist quruluşunun adı"tanmayadar"dır. Əslində tənmayadarlı azərçilik məfkurəsi azər qövmünün ilk növbədə Azərbaycan,İran və Türkiyədə inkişafını müəyyənləşdirəcək ümumazər məramnaməsi qismində çıxış edir."Azər Həsənlinin telefonsayı 433.31.08. Mənimki 373.70.52.İ.İsmayılbəyli, Arif Mehdiyev haqqında etdiyim qeydlər ürəksözlərimdir.Çətin vəziyyətimdə məniişlətəminedən Arif Mehdiyev olub.
davamı:bu sahə üzrə ictimai quruluşun yeni formasının elmi kəşfinin təstiqi Ali Attestasıya Komissiyası tərəfindən süründürülür.Bax bu yerdə xeyirhaqq insan mərhum Arif Şəfaət oğlu Mehdiyev yada düşür.
Mən nə qədər yaşayıram Arif Mehdiyevi xarırlayacağam və yazılarımda ondan sitat gətirəcəyəm. Mövzuya kecirəm.2013-ci ildə dərc olunmuş "Azərbaycan elmi və ədəbiyyatı İnkişafdadır"kitabımda yazmışam: "Azərbaycan türkcülüyü ideyası" yoxsa "Azər xalqının yeni milli məfkurəsi". Həmin sualın cavabını 13 may 2011-ci il tarixdən 4 noyabr 2011 ci il tarixədək "V.H." mətbuatında çıxış edən AZər Əbdüləli oğlu Həsənli vermişdir. Onun ictimai sahəsində əsas nailiyyətləri sərmayədər quruluşunun əvəzinə gələcək yeni po
davamı: kütləvi surətdə inzibati metodla bu kimilərə qarşı mübarizə aparmaq mümkünsüzdür. Bu müstəqil dövlətimizi axsada bilər.İkinci yol isə dinc quruculuq yoludur ki,bu da ictimai quruluşun formasının tətbiqidir.Həmin ictimai quruluşun forması Azər Həsənlinin"Azərbaycanda sivil kapitalizm hansı yolla və nə zaman bərqərar olacaq?", "Tən mayədərlı Azərcilik"- Azərilərin yeni milli məfkurəsi", "Azər xalqının gələcəyi və dünyanın sabahı" elmi əsərində verilmişdir.Təəssüf ki A.Həsənlinin bu sahə üzrə elm kə
davamı:Manqurtlarla mübarizə aparmağın bir yolu inzibati metodlardır ki, bu o qədər effetli deyildir. ABB,MTN, Rab. və İnfor.Tex.Naz., GK buna əyani sübutdur.Məsəbpərəstlik o qədər güclü inkişaf etmişdir ki,iri vəzifə sahibləri xalqdan və dövlətdən mənimsədikləri vəsait və əmlak cinayət xarakterli olduğundan Hakimiyyəti ələ keçirməyə səy göstərirlər. Bunlar iki qrupdurlar. Bir qrupun quyruğu Moskvaya bağlıdır.İkinci qrup isə respublika daxilində manqurtlaşmış səlahiyyət sahibləridirlər.Kütləvi surətdə
E.Quliyev çox düzgün şərh yazıb:- Kadr dəyişməklə müsbət iş əldə etmək mümükün deyil. Əsas şərtlərdən biri odur ki,təyin olunan məmurlar birinci növbədə qanunun aliliyinə fikir verməlidir.Şəxsi maraqlar naminə işdən azad olunan kadrı araşdıraraq qanuni tədbirlər görmək əvəzinə,məmurun təhdid olunmuş sözlərinə inanaraq işlə təmin etməməsi,öz xidmətlərilə cənab Prezidentimizin etimadının doğrultmamasından xəbər verir. Belə nazirlər təyin olunması vaxtından asılı olmayaraq tutauğu vəzifəsindən azad olunmalıdır
Maliyyə-bank-vergi barədə qeydlərinizə əlavə olaraq : Nə üçün Azərbaycanda əhaliyə xidmət edən dövlət bankları ləğv edilərək,əvəzində "kommersiya" bankı yaradılıb? Bu Kommersiya bankları isə Mərkəzi bankdan 3-4 faizlə kredit alıb kasıb millətə 18-35 faizlə kredit verir.BU xalqı bilərəkdən soymaq deyilmi?.....
....Hele gorxun ki,NK-ni fexri xiyabana kocursunler,fexri nazir,fexri deputat...
Bismillahir-Rəhmanir-Rəhim Dövlət Şəhərsalma və Arxitektura Komitəsinin sədri Abbas Ələsgərov. 1937-cu ildə anadan olub, 2007-ci ildən hökumətdədir (Bu yaxınlarda vəfat etdi). Xahiş edirəm siyahıdan çıxarın vəfat edib.Aiiah rəhimət etsin.
Moderatora: Niyə mənim qısa fikrimi yerləşdirmək istəmədiniz? Məyər bu komandanın bir nəfərdən başqa hamısı dəyişsə belə, nə isə dəyişə bilər? Bütün qocaları gənclərlə, köhnələri təzələrlə əvəzləmək nəyi dəyişə bilər? Bu gedilən yolda(strategiya) son illər birnecə nazir dəyişib. Gedənlərə Rəhmət eşitməkdən savayı nə yaxşı eşitmisiniz? Bu strategiyanın hədəfi bəlli, yolu bəlli. Kimlərlə getmək isə "obivatel"də yalançı ümid üçün taktiki gediş.Vəssalam.
davamı:məntəqələrini ləğv edib butün səlahiyyətlər dövlət banklarına verilsin.2-ci ən böyük maliyyə fırıldağı zəhmət insanlarının küllü məbləğlərdə aldadılması mənzil tikintisindədir.Bu kateqoriyadan olan əməliyyat da dövlətin himayəsinə verilsin.Harada satışqiymətlərində bahalıq varsa orada məhsul istehsalı qaydasına salınsın. Bir kəlmə xalqın talanmasına son qoyulsun. Ərzaq məhsullarının satış qiymətləri ilə əmək haqqı vətəqaüdlərin tarazlığı dövlətin diqqətində olsun. Yerlərdənverilən təkliflərəbaxılsın
Cox təəssüf ki, deyilən məsələ barədədə fikirlərimi dərc etmək istəmədiniz. Qısaca bir daha həmin fikrimi açıq formada təkrar edirəm.İdarə etmədə kadr dəyişikliyi əsas çıxış yolu deyil.Əsas istiqamət odur ki, Milli XİLQƏTİMİZƏ zidd olan və buna şərait yaradan amilləri- vələdüzzinnalığı,zorakılığı,ələ baxımlığı,mənsəbpərəstliyi, xüsusiylə qadın və körpələrin zorlanmasını aradan qaldırmaq lazəmdər. İdarə etmədə birinci olaraq maliyyə fırıldaqları ilə məşğul olan Kommarsiya banklrı və valyuta dəyişmə məntəqə
ADAM ARTUR RASİZADƏDƏN SONRA HEC BAŞ NAZİR VƏZİFƏSİNDƏ KİMİSƏ GORMƏK İSDƏMİR.
Müstəqillikdən öncə belə öz evini və yurdunu buraxıb vəzifə dalınca qaçanlar çox olub. İndi pullu oliqarxlar bu mübarizəni daha da gücləndirib. Məqalə də islahat deyib, (M.Cabbarovun təəbirincə) vəzifələrə diaqnoz verib. SSRİdə FHN yox idi. İndi FHN 1-cidir. Maliyyə-vergi-pul banklarla bir işdir. Tikinti üzrə kimdə A.Şərifov təcrübəsi var? Adətən işin həcmi, icra strukturu və sonda icraçılar müəyyən edilir. Önə ixtisar qoyulsa da, hədsiz idarə olunmazlıq kənddən NK-nə və səkilərdən İH-nə qədər aşkardır.
Mövzuya şərh verən Arif bəy! Aqillərimiz Sovet dövründəki mərkəzi mətbuatın birində belə yazmışdı:"Dadanan qudurandan betər olur". Mən indiki dövrümüzdə 2015-il oktyabr ayının ortalarında saytda belə yazmışdım:"Quduranlar manqurdlaşıblar".Yazandan beş gün sonra bu sözüm həqiqət kimi ortaya çıxdı.İri vəzifələrdə əyləşənlər manqurdlaşıblar.Demək istədiyim odur ki,bu kimiləri söz, qanun anlamırlar.Onların beyinlərindən maddi aristotal məntiqi silmək üçün bircə yol var...
Xalqimiz Prezidenta inanir va sas verib onun adalatli qarar verdiyina inanir bu yazi cox duzqun zarqar aliyla yazilmish daqiq verilmish proqnozdu.Prezidentima Ilham Heydar oqluna inaniram Heydar Aliyevin davamcisina bu ishda muvvafaqiyatlar arzulayiriq xalqimiz nehayat saqlam firavan yolacaq .Yaziya qora tashakur
Nazirlərin oturduqları stulların üstü kif atıbdır. stullar da nazirlər də yenilənməlidir.Ancaq yığdıqları pulları əllərindən alınıb kasıblara paylandıqdan sonra bunu etmək olar.
.....90 yaşlı Rısizadədən tutmuş, tibb sahəsini ağlar günə qoymuş Şirəliyevə qədər hamı öz "halalca" kreslosunda oturacaq
Elbette ki,onceden proqnoz vermek ve ya bu barede fikir soylemek duzgun deyil. Ancaq cenab Prezidentimiz cox gozel bilir ki,bezi qoca krisalar=tutduqu vezifeden caparaq getmelidirler. ALLAH insani dunyaya getirenden son yaş həddinə qədər müəyyən yaş etapları yaşadır. Körpə,uşaq,yetkinli,gənclik,həddi-buluqa çatan,orta ,yaşlı və nə hayət qocalıq dövrü.İnsan qocalıq dövründə körpə və uşaqlıq dövrünü yaşayır.Bu da hardasa 65 yaşdan sonrakı yaşdır.Bax bizim bəzi məmurlarımız vəzifə başında uşaqlıq dövrü yaşayır
Son 5-6 ildir hər seçki.referendum qabağı belə məlumatlar yayılıb.ancaq nəticəsi olmayıb.Köhnə hamam.köhnə tas olub. Maraqlı bir respublikada yaşayırıq.İşə 35 yaşdan yuxarı tanış olmasa iş tapmaq mümkün deyil.Hətta rəsmi qaydada deyilir.Ancaq 15-29 il bundan öncə pensiyaya çıxan məmurlara bir söz deyən olmur.Bəs gənclik necə və harada yetişə bilər?
Seçkidən sonra, hakim komanda eger, Putin ile "dost" -luqa SADIQ QALACAQSA, xalq atalar misalina esasen - duzgun teyin eder : “Dostunu göstər, deyim kimsən...”
heç nə dəyişməyəcək..... Heç inanılası deyil.
Davamı........Iqrtisadiyyatın idarə olunmasında səmərəlilik, səmərəliliyin artırılması - daimi nəzarətdə olmalı olan problemlərdəndir. Azərbaycan üçün isə bu problem xüsusi əhəmiyyətlidir. Məgər ölkədə az qurum varki onların olması ilə olmamaları arasında heç bir fərq yoxdur??? Niyə dövlət bu vəsaitləri, özüdə külli miqdarda olan vəsaitləri, ölkə iqtisadiyyatı üçün səmərəli istiqamətlərdə xərcləməməlidir??? Dövlət idarəçiliyinin təkmilləşməsi, keyfiyyətinin yüksəlməsi istiqamətlərinin müəyyənləşməsi – bütün dünyada həll olunur, fasiləsiz proses kimi. Səmərəsi az olan idarəetmə sistemində xərclərin artırılması – cəmiyyət üçün itirilən xərclərdir, bu xərclərin artırılması ilə ölkədə idarəetmənin keyfiyyətini yüksəltmək mümkün deyil.
Bu praqnozlar yayındırıcıdır.Heç bir kadr dəyişikliyi olmayacaq.Qoca aliqarxlar hamısı kabnetdən Allahşükürün manapoliyasında olan məkana köç edəcəklər.
Dövlətin iqtisadiyyatda rolu, iqtisadiyyata müdaxilə səviyyəsi – ölkə iqtisadiyyatının maraqları baxımından müəyyənləşməlidir, ayrı-ayrı məmurların maraqları, mənafeləri baxımından yox. Dünya təcrübəsi var, ölkədən asılı olmayaraq, ölkə hökuməti genişləndikcə, dövlətin idarə etmədə funksiyaları artdıqca bu, ilk növbədə korrupsiyaya yol açır (hələ büdcə xərclərinin artımı, idarəetmənin keyfiyyətinin azalması qalsın bir tərəfə). Çox sadə səbəbdən – ayrı-ayrı sahələrdə hakimiyyətin kimlərinsə əlində toplanması, belə sahələrin çoxalması ondan sui istifadə etmək istəklərini stimullaşdırır və heç bir nəzarət bu istəyin qarşısını ala bilməz, bu istək ən müxtəlif formalarda özünü reallaşdıracaq. İqtisadiyyat liberallaşdırılmalıdır, maksimum dərəcədə sərbəstləşdirilməlidir, dövlətin iqtisadiyyata müdaxiləsi məhdudlanmalıdır. İnkişaf edən ölkələr buna misaldır.
Heç bir yenilik, islahat filan gözləməyə dəyməz və buna ehtiyac da yoxdur. Azərbaycanda uzun illərin təcrübəsindən çıxmış, necə deyərlər oturuşmuş bir idarəçilik sistemi mövcuddur və bu sistem məhz bizim millətdən ötrü icad olunub. Bizi ağsaqqallı və qarasaqqallı, belə idarəçilik tam qane edir və ona görədə gəlin başımızı özgə xəyallarla xarab etməyək...
Prezdentden başqa hamsl mütləq şekilde getməlidir
An vacib sahiyyadi xalqin qenofondu mahf olur adi qrip xastaliyin qarshisini ala bilmirlar cox biyabirciliqdi razalat sahiyyamiz dushub bir qrup savadsiz rushfatxorlarin mosheynikin alina .Axrinci soz Prezidentimizindi Allahin komaqiyla yaxshi olar
Mən ən güclü sayt kimi "AzPolitika.info" nu bilirəm.Həmin bu mövzu üzərəində işləyən İ.İsmayılbəyliyə də minnətdarlığımı bildirirəm.İri dövlət müəssisələrində uzun müddət baş mühasib vəzifəsində işlədiyimdən maliyyə məsələlərinə həmişə diqqətliyəm. Dünya miqyasında ABŞ-ın kecmiş prezideti Harri Truman əslən ixtisasda sırf mühasib olub.Kadr dəyişməklə iqtisadiyyatı inkişaf etdirmək çıxış yolu deyil. Əsas şərtlərdən biri odur ki, yazılan qanunlra əməl olunsun.Mən bir sayt görmürəm ki, elmə dair şöbə açsın.