Əmək pensiyalarına əlavələr təyin edilir - Yeniliklərin detalları məlum oldu
Azərbaycanda indiki və sabiq Milli Məclis deputatlarına, ombudsmana və Mərkəzi Seçki Komissiyası (MSK) üzvlərinə, onların ailə üzvlərinə əmək pensiyalarına görə edilən yeniləklərin detalları məlum olub.
APA-nın məlumatına görə, “Azərbaycan Respublikası Milli Məclisinin deputatının statusu haqqında”, “Azərbaycan Respublikasının İnsan hüquqları üzrə müvəkkili (ombudsman) haqqında” qanunlarda və Seçki Məcəlləsinə təklif edilən dəyişikliyə əsasən qeyd olunan şəxslərin qulluq stajı əsasında onların əmək pensiyalarına yeni şərtlərlə əlavələr təyin ediləcək.
Layihələrə görə, əmək pensiyası yaşına çatmış və ya bu yaşa çatanadək I qrup əlil olmuş, azı səlahiyyət müddətinin yarısı qədər sığorta stajı olduqda, indiki və sabiq ombudsmana, Milli Məclis deputatlarına, MSK üzvlərinə, o cümlədən onların ailə üzvlərinə qulluq stajı əsasında əmək pensiyasına əlavələr təyin olunur.
Layihələr Milli Məclisin Əmək və Sosial siyasət komitəsinin Hüquq siyasəti və dövlət quruculuğu komitəsi ilə birgə fevralın 20-də keçiriləcək iclasında müzakirəyə çıxarılacaq.
Şərhlər
Afərin sizdə olan qeyrətə təəsübkeşliyə dünyagörüşə....Elə özünüzü düşünsəs bəsinizdi.Əslində günag bizlərdədi ki siz kimilərə səs verərək əlinizə mondat veririk ki sizlər də özünüzdən başqa heç kimi görmürsüz...
Hormetli redaksiya,bilmek olarmi guc quvvelerinde,MTN,DIN,EN,SQ,Prokurorluq orqanlarin xidmet edib pensiyaya cixanlarin pensiyasi hacan qalxacaq?