Bu il Bakıda və regionlarda tikiləcək yeni yollar və körpülər – SİYAHI

Dərc olunub: 22/02/2018 - 10:48

road_050617__(3)“2018-ci ildə kollektivimiz qarşısında ən azı 600 kəndi əhatə edəcək 2 min kilometrdən çox avtomobil yolu çəkilməsi kimi böyük bir vəzifə müəyyənləşdirilib”.

Trend-in məlumatına görə, bunu Azərbaycan Avtomobil Yolları Dövlət Agentliyinin (AAYDA) İdarə heyətinin sədri Saleh Məmmədov deyib.

S.Məmmədov bildirib ki, AAYDA 2018-ci ildə Bakı şəhərində uzunluğu 106,4 kilo­metr olan 11 layihənin, uzunluğu 1274,1 kilometr olan 52 kəndlərarası layihənin, habelə respublika əhəmiyyətli avtomobil yollarının və xarici kredit vəsaiti hesabına yerinə yetiriləcək layihələrin icrasını həyata keçirəcək:

“Bununla yanaşı, il ərzində Olimpiya stadionu ərazisində inşa olunan tunelin, müxtəlif dizaynda 5 piyada keçidinin tikintisi, Ağ şəhər layihəsi, Ziya Bünyadov prosperkti ilə Balaxanı-Binəqədi şosesini birləşdirən yeni yolun tikintisi, Şamaxı-Padar yolunun davamı olaraq Padar-Sabirabad yolunun tikintisi, Rusiya Federasiyası ilə sərhəddə Samur çayı üzərində yeni körpünün tikintisi, Sumqayıt şəhərində iki prospekt və iki küçənin yenidən qurulması, Qanlı göl ərazisində tikilən MİDA-Şərifzadə yolu və s. plana salınıb”.

S.Məmmədov bildirib ki, Azərbaycan Avtomobil Yolları Dövlət Agentliyi tərəfindən 2018-ci ildə ümumi uzunluğu ən azı, 2171 kilometr olan avtomobil yollarının tikintisi, yenidən qurulması və təmiri layihəsi həyata keçiriləcək: “Artıq icra qrafiki təsdiq edilib. Bununla yanaşı, dövlət başçısının müvafiq sərən-camına əsasən, nəqliyyat dəhlizinin tərkib hissəsi olan M-1 Bakı-Quba-Rusiya Federasiyası ilə dövlət sərhədi yeni avtomobil yolunun M.Z.Tağıyev qəsəbəsindən başlayaraq tikintisinə qərar verilib. Ümumi uzunluğu 243 kilo­metr təşkil edən Ələt-Astara-İran İslam Respublikası dövlət sərhədi avtomobil yolu tam olaraq cari ildə istifadəyə veriləcək”.


loading...




Fikrinizi bildirin