Britaniya da kriptovalyutaları tənzimləmək qərarına gəlib

Britaniyalı qanunvericilər kriptovalyutalarla bağlı araşdırmalara başlayıblar.

"Report" "Forexpf.ru" saytına istinadən xəbər verir ki, Böyük Britaniya yeni texnologiyanın tənzimlənməsi üçün kriptovalyutaların üstünlükləri, riskləri təhlil etmək qərarına gəlib.

Böyük Britaniya Xəzinədarlığının Parlament Komitəsi "bitcoin"in və digər "altcoin"lərin banklara və istehlakçılara təsirini araşdıraraq, kriptovalyutaların ənənəvi pulları nə dərəcədə əvəz edə biləcəyini öyrənmək istəyir. Komitənin 11 üzvü kriptovalyutalar üzərində nəzarətin yaradılmasını düşünür. Belə ki, onlar kriptovalyuta bazarının kifayət qədər şəffaf olmadığını hesab edirlər.

Konservatorlardan olan qanunverici və komitənin üzvü Niki Morqan (Nicky Morgan) bildirib ki, bitkoin və digər kriptovalyutalar getdikcə populyarlaşır: "Lakin heç kim özünə hesabat vermir ki, bu aktivlər Birləşmiş Krallıq tərəfindən tənzimlənmir. Hazırda istehlakçıların və şirkətlərin qorunması üçün doğru balansın qurulması vacib məsələdir. Həmçinin, blokçeyn texnologiyasının maliyyə institutları və Mərkəzi Banka təsiri öyrənilməlidir".

635x100

Şərhlər

Hər hansısa bir şərh yazılmayıb.

Son yazılar