İranda qəzaya uğrayan sərnişin təyyarəsinin "qara qutu"su tapılıb
Baxiş sayı:
Dərc olunub:
04/03/2018 - 20:30
İran Mülki Aviasiya Təşkilatının nümayəndəsi Reza Cəfərzadə fevralın 18-də qəzaya uğrayan “Aseman Airlines” aviaşirkətinə məxsus, Tehran-Yasuc marşrutu üzrə uçan “ATR-72” tipli sərnişin təyyarəsinin "qara qutu"sunun tapıldığını təsdiqləyib.
APA-nın İRNA agentliyinə istinadən verdiyi məlumata görə, R. Cəfərzadə martın 3-də axtarış briqadasının İranın cənub-qərbində, təyyarənin qəzaya uğradığı Dena dağında qəzaya uğrayan təyyarənin "qara qutu"sunu aşkarladığını bildirib.
Qeyd edək ki, İranın “Aseman Airlines” aviaşirkətinə məxsus, Tehran-Yasuc marşrutu üzrə uçan “ATR-72” tipli sərnişin təyyarəsi fevralın 18-də İsfahan əyalətində qəzaya uğrayıb. Qəza nəticəsində 66 nəfər ölüb.
Şərhlər
Hər hansısa bir şərh yazılmayıb.