BEYNƏLXALQ BANK ŞƏRİFOVUN NƏZARƏTİNDƏN ÇIXARILDI! - Şok dəyişikliklər
Samir Şərifovun gələcəyi ilə bağlı ciddi narahatçılıq keçirdiyinə dair hökumət dəhlizlərində yayılan məlumatlar boşuna deyilmiş!
"Azərbaycan Beynəlxalq Bankı" ASC-nin Səhmdarlarının növbəti ümumi yığıncağı keçirilib. Bankdan Trend-ə verilən məlumata görə, iclasa sədrlik edən Azərbaycan Respublikasının maliyyə naziri Samir Şərifov bildirib ki, “Azərbaycan Beynəlxalq Bankı” ASC-nin (ABB) dövlətə məxsus səhmlərinin özəlləşdirilməyə hazırlanması ilə bağlı sağlamlaşdırılma tədbirləri haqqında” Azərbaycan Respublikası Prezidentinin 15 iyul 2015-ci il tarixli 570 nömrəli Fərmanına uyğun olaraq bankın sağlamlaşdırılması və restrukturizasiyası proqramı praktik olaraq başa çatıb.
Yeni fəaliyyət mərhələsinə qədəm qoymuş bankın idarə edilməsində bəzi dəyişikliklərlə bağlı iclasda bir sıra qərarlar qəbul olunub, Müşahidə Şurasının tərkibi yenidən formalaşdırılıb. Belə ki, Azərbaycan Respublikasının Dövlət Neft Fondunun İcraçı direktoru Şahmar Mövsümov bankın Müşahidə Şurasının sədri, maliyyə nazirinin müavini Emin Hüseynov, iqtisadiyyat nazirinin müavini Sahil Babayev və Azərbaycan Beynəlxalq Bankının İdarə Heyətinin sədri Xalid Əhədov Müşahidə Şurasının yeni üzvləri təyin olunublar.
Səhmdarların ümumi yığıncağında Azərbaycan Beynəlxalq Bankının kənar auditor tərəfindən aparılmış müvafiq audit hesabatı da təsdiqlənib. Eyni zamanda, bankın bir sıra törəmə təşkilatlarının bağlanması barədə qərar qəbul olunub.
“
1995-ci ildən Azərbaycan Respublikasının Mərkəzi Bankında müxtəlif rəhbər vəzifələrdə çalışıb. 2006-cı ilin mayından Azərbaycan Respublikası Dövlət Neft Fondunun icraçı direktorudur.
Müşahidə Şurasının yeni üzvü Emin Hüseynov 1974-cü ildə anadan olub. 1996-cı ildə Azərbaycan Dövlət İqtisad İnstitutunu Beynəlxalq iqtisadi münasibətlər ixtisası üzrə bitirib. 1998-ci ildə ABŞ-ın Florida Ştatı Universitetində İqtisad üzrə, 2009-cu ildə isə ABŞ-ın Harvard Kennedi Məktəbində Dövlət idarəçiliyi üzrə magistr dərəcəsi alıb. İqtisad üzrə fəlsəfə doktorudur. 1998-ci ildən etibarən Dünya Bankının, Beynəlxalq Valyuta Fondunun Azərbaycandakı Daimi Nümayəndəliyində, Azərbaycan Respublikasının Mərkəzi Bankında, ADA Universitetində müxtəlif rəhbər vəzifələrdə çalışıb. 2016-cı ilin iyunundan Azərbaycan Respublikası Maliyyə nazirinin müavindir.
Müşahidə Şurasının yeni üzvü Sahil Babayev 1980-ci ildə anadan olub. 2002-ci ildə Bakı Dövlət Universitetini "Beynəlxalq hüquq və beynəlxlaq münasibətlər" ixtisası üzrə magistr dərəcəsi ilə bitirib. Hüquq üzrə fəlsəfə doktorudur. 1999-cu ildən başlayaraq Azərbaycan Respublikasının Dövlət Neft Şirkətində, Azərbaycan Respublikası Milli Məclisində, İqtisadi İnkişaf Nazirliyində müxtəlif vəzifələrdə çalışıb. 2014-cü ilin martından Azərbaycan Respublikası iqtisadiyyat nazirinin müavinidir.
1999-cu ildən müxtəlif kommersiya banklarında rəhbər vəzifələrdə çalışıb. 2016-cı ilin dekabrından son təyinata qədər “Azərbaycan Beynəlxalq Bankı” ASC-nin İdarə Heyətinin sədri olub.
Təsadüfi deyil ki, Cahangir Hacıyevin həbsindən dərhal sonra o, Beynəlxalq Bankın İdarə Heyətinin sədri vəzifəsinə yaxın dostu Elmar Məmmədovu təyin etmişdi. Hansı ki, onun qısa müddətli rəhbərliyi dövründə Beynəlxalq Bankın borclarının milyardlarla manat artdığı, böyük talançılığın olduğu bildirilir...
Bundan əlavə Beynəlxalq Bankda baş verən talançılığın birbaşa məsuliyyətini Müşahidə Şurasının rəhbərliyi daşıdığı halda dəyişdirilməməsi ictimaiyyətdə haqlı suallar yaratmışdı: Bu boyda talançılıq olubsa, Müşahidə Şurasının rəhbərliyi, banka nəzarət edən Maliyyə Nazirliyi hara baxırdı? Cahangir Hacıyevin həbsindən sonra bankın milyardlarla dollar əlavə borclarının yaranmasının məsuliyyətini kim daşıyır? Bu və digər suallar bu gün də açıq qalır.
Bu suallara cavab verilib-verilməyəcəyi məlum olmasa da, Beynəlxalq Bankın Müşahidə Şurası və İdarə Heyətinin rəhbərliyindəki dəyişikliklər hakimiyyətin bankda gedən proseslərdən narazı qaldığını göstərir. Buna görə də bankın rəhbərliyində ciddi dəyişiklik edilib.
Belə ki, Müşahidə Şurasının tərkibində əvvəlki üzvlərdən heç kim saxlanılmayıb. Xatırladaq ki, 2015-ci ilin iyununda Müşahidə Şurası üzvlərinin sayı 7-dən 5-ə endirilib. Müşahidə Şurasına maliyyə nazirinin müavini Azər Bayramov rəhbərlik edirdi. Üzvləri isə, Əmlak Məsələləri Dövlət Komitəsi sədrinin müavini Rüstəm Şahbazov, Maliyyə Nazirliyinin Hüquq şöbəsinin müdiri Xalıq Rəhmanov, Maliyyə Nazirliyinin Dövlət Sığorta Nəzarəti Xidmətinin rəis müavini Müşfiq İsrafilov və fiziki şəxs Səidə Bayramova idi.
Yeni tərkibdə bu şəxslərdən heç biri təmsil olunmayıb. Hansı ki, onların əksəriyyəti birbaşa Samir Şərifovun tabeliyindəki şəxslərdir. Maliyyə naziri məhz onların vasitəsilə Beynəlxalq Banka nəzarət edirdi... Son dəyişikliklə Müşahidə Şurasının köhnə tərkibi tam yenilənməklə, faktiki olaraq Beynəlxalq Bank maliyyə naziri Samir Şərifovun nəzarətindən çıxarılıb. Bankın Müşahidə Şurasının sədrliyinə Samir Şərifova deyil, birbaşa prezidentə tabe olan şəxs gətirilib.
Bu isə həm də Şərifova inamsızlığın dərinləşdiyini göstərir. Görünür, son vaxtlar Samir Şərifovun gələcəyi ilə bağlı ciddi narahatçılıq keçirdiyinə dair hökumət dəhlizlərində yayılan məlumatlar əsassız deyilmiş!
Elman İsmayıllı
AzPolitika.info
Şərhlər
...”kadrlar klassik bank emeliyyatlarinin ne oldugunu bilirlermi?”….demək istəyirsiz müasir bank əməliyyatlarını bilirlər???...)))) Əgər nə klassik, nə də müasir bank əməliyyatları nədir bilmirlərsə, onların bankda nə işi var???...))) Belə şəraitdə bank sektorunda bu cür biabırçılıqlar niyə təəccüb doğurmalıdır???...))))
Tercumeyi-hallarini yazanda hec olmasa nezere alin ki,bunu derk eden insanlar da oxuyur.18-19 yawli gencler unuversiteti bitirmemiw nece rehber vezivede caliwa bilerler?
BB-in əsas sağlamlaşdırma tədbirləri: (1) “bankın xarici kreditorlar qarşısında olan xarici valyutadakı borcunu dövlət öz üzərinə götürüb”.......əla, dövlət vəsaitlərinin bir hissəsi bu istiqamətdə xərcləndi;... (2) “bankın əmanətçilərinin, bankda xidmət olunan hüquqi şəxslərin və digər qeyri-rezidentlərin maraqlarını dövlət qoruyub”....bu da əla, bu da ikinci istiqamətdə dövlət vəsaitlərinin xərclənməsi; (3) “nəticə olaraq bankın kredit reytinqləri yüksəlməyə başlayıb”....bax bunu başa düşmədim, yəni, BB-ın fəaliyyətində zəruri şəffaflıq təmin olunmayıbsa, vəsaitlərin səmərəli istifadəsi tələbləri yoxdursa, yenidən köhnə üsullarla mövcud olmuş iş prinsipləri bərpa olunacaq, yəni, dövlət onsuzda itkiləri ödəyəcəkdə???....)))))
Bank işi xüsusu maliyyə,uçot biliyi tələb edir XAricdə təhsil alma hansı səbəbə Azərbaycan təhsilindən üstün sayılmalıdır?Əgər sayırlarsa deməli ölkədə təhsili korladıqlarını təsdiqləyirlər. İkinci tərəfdən bankın beynəlxalq adlandırlması oranın diplomatiya mərkəzi olması deyil.Ona görə təyin olunanların təhsilinin bank işilə əlaqəsi olmadığı sübut olunur.Praktik olaraq öyrənmə ilə isə bank idarə etmək şübhə yaradır. Qohum-qardaş,quda ,yaltaqlıq olan yerdə kimin təhsili,yaşı maraqlı ola bilər?
Bu deyishiklik hechde bashibelali banka (BB) ve onun esas teshichisi olan hokumete xeyiri olmayacaq.Mushahide shurasinin sedrinin qohum qardashinin bank Standarddaki yarimchiq qalan teminatsiz kreditleshme emeliyyatlarinin davami bu BB-da olacaqdir.Qeribesi ve maraqlisi odur ki,bu amerkan-ispan tehsilli kadrlar klassik bank emeliyyatlarinin ne oldugunu bilirlermi?Bu komandaya Rufet Aslanlini da elave etmek mytleq lazimdir.VTB-BB-Movsumov-Rustamov-Musayev
SAMIR SƏRIFOV AZƏRBAYCANIN ƏN VARLI ADAMI OLMAQLA YANASI OLƏKNIN MALIYYƏ SISTEMINƏ ELƏ ƏL QOYUB KI ONU SƏHMANA SALMĞA UZUN İLƏR GƏRƏK. BUNDAN ƏLAVƏ ELƏ BİR TƏSKİLAT TAPMAQ CƏTİNDİ Kİ DOVLƏT BUDCƏSİNDƏN MALİYƏLƏSSİN AMMA O VƏSAİTDƏN NAZİRƏ XUSUSİ PAY DUSMƏSİN. BƏLKƏ MƏN YANİLİRAM?