Hələlik «xaltura»dır! – Qisasa hazırlıq gedir?

Dərc olunub: 16/03/2018 - 21:54

mirsahinNecə oldusa, bu gün səhər saatlarında ekran qaşısına oturdum və yekəlik olmasın, yerli televiziyalardan birini seyr etmək istədim. Efir ünvanları sırasında nə görsəm yaxşıdır? – «Real TV». «Yanlış da bir naxışdır» deyib, düyməni basdım və təxminən (və demək olar, zorən!) bir saat ərzində seyrçi oldum…

Cənab Ağayevin son «bəyanatı» ilə tanış idim. Maraqlandım – görək, bu cənab «düşmən»lərinin ana və bacısını nə sayaq «sevəcək»? Axı söz vermişdi ki, qisası bu yolla alacaq…

Fəqət… gördüyüm yalnız köhnə «xlam»ın montaj edilmiş zəhlətökən təkrarı oldu! Hər zaman peşəkarlıqdan dəm vuran şəxsin yeni telekanalı bu imiş, yahu?! Heç nə…

Amma yox, görünür, özündərazı televizyonçu döyüşqabağı «yayındırıcı və nəfəsverici hərbi təlim keçir» – ana və bacıları sevməyə hazırlıq görür! Lisenziyanı da məhz buna görə alıb, onlar da veriblər…

Hər nə deyirlər, qoy desinlər, hələlik «Real TV»-dən əsər-əlamət yoxdur – əvəzində, mövqesiz seyrçilər üçün «XALTURA» var…

Seyrçi mövqeyindən – Mirzə AĞ








loading...


Fikrinizi bildirin