SABİQ NAZİRLƏR HAKİMİYYƏTƏ QARŞI BİRLƏŞİB? - Xaricdə mühacirlərlə iş aparırlar

Üç sabiq nazirin xaricdəki narazı mühacirlərlə əlaqələri olduğu haqda iddialar var

Azərbaycan hakimiyyəti xaricdən yönələn hücumların kimlər tərəfindən aparılması istiqamətində araşdırmalara başlayıb. Belə bir vaxtda hücumlara yön verənlərdən biri kimi baş nazirin sabiq birinci müavini, hazırda xaricdə yaşayan Abbas Abbasovun adı hallanmağa başlayıb. Onun adı rəsmi şəxslərin dilindən də neqativ planda hallanıb, müxtəlif tədbirlərdə hücumların Abbas Abbasov tərəfindən yönləndirilməsinə eyham vurulub.

Abbas Abbasovun adı ötən prezident seçkisi öncəsi hakimiyyətə qarşı planlarda mərkəzi fiqurlardan biri kimi hallanır. Məsələn, prezidentin köməkçisi Əli Həsənov bu günlərdə bildirmişdi ki, 2013-cü il prezident seçkiləri öncəsi Azərbaycana qarşı təzyiqlər olub. O, xüsusi olaraq vurğulayıb ki, həmin qüvvələr yenidən aktivləşib.

Abbas Abbasovun həmin çevrənin öncüllərindən olması kimsəyə sirr deyil. İndiyə qədər bu haqda kifayət qədər yazılar dərc olunub. Onun 2013-cü ildə prezident seçkiləri öncəsi “Milyarderlər ittifaqı”nda hakimiyyətə qarşı fəaliyyətin yada salmaq kifayətdir. Baxmayaraq ki, Abbas Abbasov bu haqda yazılanların həqiqət olmadığını cidd-cəhdlə sübut etməyə çalışır.

Bu məsələlərdə onun yaxın silahdaşı, keçmiş nəqliyyat naziri Ziya Məmmədov da yada düşür. Birgə biznes fəaliyyətləri, siyasi maraqları üst-üstə düşən fiqurlar olaraq Abbasovla Məmmədovun iqtidar komandasından dışlanması səbəblərindən biri də onların xariclə əlaqələrindən qaynaqlanırdı.

Ä°lgili resim

Yada salaq ki, Azərbaycanda vəzifələrini itirəndən sonra əvvəl Abbas Abbasov özü, ardınca isə oğlu Aydın Abbasov  ölkədən getdilər. Nəqliyyat naziri postundan uzaqlaşdırılan Abbasovun silahdaşı Ziya Məmmədovun oğlu Anar Məmmədov da ölkədən gedib.

Aydın Abbasov Türkiyədə məskunlaşsa da, Rusiya ilə sıx əlaqələri haqda bilgilər var. Anar Məmmədovun isə İngiltərədə məskunlaşdığı deyilir. 2015-ci ildən onun ailəsi ilə birgə ölkədən getməsi xəbərləri dolaşır. Onun Azərbaycanda olarkən rəhbərlik etdiyi ailə şirkəti “Garant Holdinq”i   ərəblərə satması haqda da məlumatlar var.

Əllərində böyük maliyyə olan “vurulmuş” 2 məmurun övladlarının atalarına istənilən işdə dəstək vermələri  şübhə doğurmur. Müxtəlif mənbələr də bu iddiaların yaşamaq hüququnun olduğunu qeyd edirlər. Abbas Abbasovun oğlu Aydın Abbasovun Avropadakı mühacirlərin narazı kəsimi ilə əlaqələrinin olduğu deyilir. O cümlədən  Ziya Məmmədovun oğlu Anar Məmmədovun da hazırkı hakimiyyətdən çox ciddi narazılığının olması  barədə iddialar var. Bildirilir ki, Ziya Məmmədovun hakimiyyət komandasından uzaqlaşdırılması Məmmədov klanını çox qəzəbləndirib. Onlar hər fürsətdən istifadə edib Azərbaycan hakimiyyətinə badalaq vurmağa hazırdırlar.

İllər öncə Anar Məmmədov “Azərbaycan Amerika Alyans”ı yaradaraq Azərbaycan hakimiyyətinə lobbiçilik fəaliyyəti ilə dəstək verməsi görüntüsü yaratmağa nail olmuşdu. O dövrdə də hər kəsə bəlli idi ki, əslində Anar Məmmədov daha çox mənsub olduğu klanın lobbiçiliyini edir. Hazırda həmin fəaliyyət dövründə qazanılan təcrübədən Azərbaycan hakimiyyətinə qarşı istifadə edilməsi haqda bilgilər var. 

Ümumilikdə Anar Məmmədov emosional, siyasi hesablamaları olmayan bir gənc kimi xarakterizə olunur. Erkən cavanlığı dövründə bir restoranda ayını kəsdirib kabab çəkdirməsi ilə Azərbaycan ictimaiyyətinin diqqət mərkəzinə gələn Anar Məmmədovun sonrakı addımları da diqqətdən kənar qalmadı. Donald Tramp ABŞ prezidentliyinə namizəd olarkən Anar Məmmədov tələm-tələsik özünün nəzarətindəki saytlarda yazılar dərc etdirməyə başladı.

Həmin yazıların əsas qayəsi Məmmədovlarla Trampın, onun ailə üzvlərinin yaxınlığını ortaya qoymaq idi. Donald Tramp ABŞ prezidenti seçilər-seçilməz Anar Məmmədovun sifarişi ilə yayınlanan “şıltaq” məqaləsi atası, o dövrdə nazir olan Ziya Məmmədova böyük zərbə oldu. Oğul Məmmədovun emosional, tələskən davranışı atasının kreslosunun ixtisara salınması ilə nəticələndi.

Hazırda dünyanı idarə edən, xüsusilə Qafqaz regionunda toqquşan güc mərkəzləri ilə sıx əlaqələri olan Abbasovla Məmmədovun övladları hakimiyyətə qarşı addım ata bilərlərmi? 

Eldar Mahmudov ile ilgili görsel sonucu

Azərbaycan mühacirətinin narazı kəsimi ilə əlaqə qurub məlumat axınını təmin edə bilərlərmi? Əlbəttə ki, onlar hakimiyyətin mübhəmlərinə Eldar Mahmudov qədər bələd deyillər. Eldar Mahmudov 11 ilə yaxın hakimiyyətin içində olaraq elə bir struktura rəhbərlik edib ki, istəməsəydi belə, əlinin altına qalaq-qalaq informasiya toplanacaqdı.

Onu da Abbas Abbasov, Ziya Məmmədov kimi vurub hakimiyyət “gəmisi”nin göyərtəsindən kənar qoyublar. Mümkündür ki, Eldar Mahmudov da hazırda xaricdən səslənən, dilə gətirilən informasiyaların narazı mühacir kəsiminə axınını təmin edib. Onun özü kimi hakimiyyətdən narazı məmurlar Abbasov və Məmmədovla maraqlarının indiki mərhələ üçün birləşdirməsi də istisna deyil. 10 gün sonra prezident seçkiləri keçiriləcək və nəticədən asılı olmayaraq həqiqətlər də üzə çıxacaq(musavat.com).

635x100

Şərhlər

Akif 2018-04-03 11:56:57

Şərhçi Lətifə müraciət: siz tamamilə haqlısınız və yazdığınız sual cavab olaraq bildirirəm ki,istənilən ölkədə kütləvi narazılıq iri müəssisələrdə çalışan işçilərdən başlayır ... Böyek Oktyabr Soialist İnqilabını yadınıza salın. Buna görə bütün müəssisələrin məhv etdilməsi siyasəti yürütdüldü ki,mütəşəkkil birləşmə baş verməsin. Məhz bu səbəbdən də hazırda müxalifət birləşə bilmir.

ilqar 2018-04-03 11:56:57

Ali ye adina uyqun yaz

Lətif 2018-04-03 11:56:57

Hər şeyə bir az ayıq surətdə baxmaq lazımdır.İndiki şəraitin yaranmasının əsl səbəb səriştəsiz idarəçilik,işsizliklə məşğul olmamaq( nə üçün ölkədə 10-40 min işçi işləyən bir ədəd də müəssisə qalmayıb? Axı bunlar sovet vaxtı mövcud idi ),evlad,qohum, quda və qanı qarışıq qrupun yuxarı eşalona toplanması,əsl,qanı təmiz Azərbaycanlılara qərəzli münasibət ( onların ölkədən köçməkdə əlac tapması),öənin varidatının mənimsənilməsi,ölkədən xaricə daşınması kimi hallardır.

sakit 2018-04-03 11:56:57

Xalqı nə qədər məhv etməyinizə baxmayaraq,Allah qoysa o toparlanacaq,ayaq üstə qalmağı bacaracaq.10 nənəmherik arvad lazömdır ki,sizin gününüzü ağlasın.Görürdün debatda Əli Əhmədovun dili necə topuq vururdu(qoyunla adamı ayıra bilmirdi).Dəyəsən axırınız gəlib axı,kəkələyirsiniz.YAP hakimiyyətinin bu xalqa verdiyi məhrumiyyətlərin yüzdə birini sizdən alsa,onda siz ünsürə çevriləcəksiniz.Buna əmin olun!

Cəbrayıl 2018-04-03 11:56:57

Boş-boş yazılarla millətin başını qatmağın daha yeri yoxdur.Bəs deyilmi milləti qanmaz yerinə qoyub, məmurlar boş vədlər verib,iş görməmək, Azərbaycan xalqını,millətini , məmləkəti soyub daşımaq.Elə bilirsiniz bunu millət görmür və bilmir.Sadəcə balalarının gələcəyi xatirinə ( repressiyalardan ehtiyat edib) səs çıxarmamaq elə bilirsiniz həmişə olacaq?Bəs bilmirdiniz ki, hər yaramazlıqların zamanı gəlir,cavab da vermək tələb olunacaq. Bir dəstə məmur ölkəni darmadağın etdi,soydu.

Fizuliy-ə əlavə 2018-04-03 11:56:57

Qanunlar işləməyəndə,özbaşınalı meydan sulayanda,məmurlar ölkəni dağıdanda,ölkəni soyanda,cəzasızlıq ,qohum-qardaş,qudalardan ibarət məmurlar konstitusiyanı oyuncağa çevirəndə bunlar nə düşünürlər?

Sahibi Vətənsiz 2018-04-03 11:56:57

Azərbaycanlı heç zaman öz dövlətinə qarşı çıxmaz! Son 3 ilin nəticələri siyasi strategiyanın əhalinin zəruri haqqlarından çox "kənara" yönləndiyini aşkarladı. İşğalçı vətəndaşlarına qarşı belə heç bir iddia qaldırmamış aparıcılar "söyüşçü"lərdən deyil, özlərindən şübhələnirlər: Xalq bizləri necə qəbul edir? Kəskin iqtisadi tənqidçi və Qarabağ iddiaçısı olan hər azərbaycanlı mühakimə olunub. Məmurların iki: "Vertikal-özəl", "Xarici dəstək" maniyası dövlət işini, hüququnu fövtə(düşmənə belə) verib!

G.M 2018-04-03 11:56:57

Azərbaycan siyasi mühiti elə bir vəziyətdədir ki,bircə il məmur olmuş hər kəs vəzifədən qovulandan sonra da xalq üçün arzuolunmazdır.Ona görə də İqtidarın ``sabiqlər`` problemi yoxdur.Ancaq istefaya getmədən hakimiyətə gələcək (çevirilişlə də olsa) məmur islahatlar aparmaqla Xalqı və hakimiyəti ələ ala bilər.İ.Əliyev ətrafındakı harın miyarder oliqarx nazir və məmurları seçkidən dərhal sonra zərərsizləşdirməklə böyük nailiyətlər qazana bilər.

Asim 2018-04-03 11:56:57

Bütün bu neqativlərin yaranmasına səbəb, ölkədə demokratiyanın olmaması və hazir ki,hökümətin iqtisadi-siyasi savadsizliğidir.Srağayinkı debatda Əli Əhmədov bunu bütün çılpaqlığı ilə(mal-qara ilə insanları bir-birindən ayıra bilmədi)bürüzə verdi....

Oqtay 2018-04-03 11:56:57

Hakimiyyət belə boş boş işlərlə məşqul olunca enejisini versin xalqın güzəranını yaxşılaşdırmağa .Boş vədlər yox həqiqətdə millətin güzəranı yaxşılaşsa heç kim heçnə edə bilməz ancaq indiki küzəranla xalqın heç vecinədə deyil kim kimi yıxır kim kimə badalaq gəlir.ondan bizə bir isti soyuq yoxdur

t.ədalət 2018-04-03 11:56:57

Bu informasiya yalandır.Ancaq Abbass Abbasovun rusiya ilə sıx əlaqəsi var və bu da Abbasovun ermənilərlə qohumluğu ilə bağlıdır.Abbasovun oğlu Aydın dəfələrlə prezidentə sadiq olduqlarını vurğulayıb.Ziya Məmmədov hakimiyyətin əl buyruqçusu idi.Ondan hansısa antidövlət hərəkəti gözləmək nadanlıq olar.E.Mahmudov isə sadiq qohumlardandır.Hakimiyyət onu cəzalandırmaq istəsə də,hələlik ona qarşı elə bir ciddi addım atılmayıb..

Alı 2018-04-03 11:56:57

Tamamilə dogrudur.Ziya Məmmədovun adamları ciddi şəkildə fəallaşıb.Davranışlarindan sanki nəyi isə gözləyirlər.Nəsə yaxın zamanda dəyişəcək ümidi aşıq hiss olunur.

oxucu 2018-04-03 11:56:57

Su bir yerdə çox qalsa iy verər. Loru dildə məmurlar çox yoğunladılar.

sual 2018-04-03 11:56:57

mumkundur ki, ola bilər ki, deyilənə gorə, bildirilir ki, ay Allahin qulu arifin oğlu rauf bu soylədiklərin tam tavuzlu asiq fazilin dediklərinə oxsamirmi? bu curnalist təxəyuludur ya munəmcim? elə isə bəlkə xaricdən gələn əsas təhlikə səni bu islərə təhrik edən sahiblərindi?

Fizuli 2018-04-03 11:56:57

Azerbaycanda yuksek vezifede iwleyenler ele bawa duwurler ki ya omrunun axirina kimi iwleyib capib talayib xalqi soymalidir yada iwden cixarilanda xalqdan oquladiqlari aldiqi ruwvetler elinden son qepiyinecen alinib ac yalavac xalqin gynune salinmalidir ki,hakimiyyete meydan oxumasin.ellerinde yuz milyonlarla dollar qacib xarice getseler elbette hakimiyyete soydurerlarde lap gucleri catsa yixib hamsini asarlarda.Ona gore de gunah hakimiyyetdedir ki,onlarda saysis hesabsiz oqurluq dollar var ki bele edirler

AZƏRİ 2018-04-03 11:56:57

Bu azmış kimi hələ oğlu Aydın Abbasovu da deputat təyin etmişdilər.

Cəmşid İrzaquliyev 2018-04-03 11:56:57

Elə bilirəm bütün bunların olmaması üçün, hər Prezident seçgisindən sonra hökümət yeni kadrlardan formalaşdırılmalı idi. İstənilən halda xalqdan dövlətə və dövlətçiliyə xələl gəlməz, gəlsə-gəlsə fərdlərin ambisiyalarından gələr.

Tofik 2018-04-03 11:56:57

Eger bu oyunun icinde eldar mahmudov varsa.... ona göreki mahmudovun en etibarlı müddefikıeri yehudi ve ereb lobbisudi ele erebler mahmudova göre azerbaycana gelirler

Son yazılar