ABŞ SURİYAYA ZƏRBƏ ENDİRDİ! – FOTOLAR, VİDEO

Dərc olunub: 14/04/2018 - 10:16

4682390-1ABŞ Fransa və Böyük Britaniya ilə birgə Suriyaya qarşı hərbi əməliyyata başlayıb. APA-nın TASS agentliyinə istinadən verdiyi məlumata görə, bu barədə ABŞ prezidenti Donald Tramp Ağ Evdə çıxış edərək bəyan edib. Bombardman Bərza bolgəsində elmi araşdırmalar mərkəzi, Qaysun dağlarında Respublika Mühafizəçiləri mərkəzi, Mezzeh hərbi hava limanı, Damir hərbi hava limanı, Alkasva bölgəsi və paytaxt Dəməşqdəki bəzi mərkəzləri əhatə edir.

Onun sözlərinə görə, hava zərbələri Suriya hökumətinə məxsus kimyəvi silah istehsalı obyektlərinə endirilir. “Hazırda Bəşər Əsədin potensial kimyəvi silahları ilə əlaqəli obyektlərə yüksək dəqiqlikli zərbələr endirilir. Hərbi əməliyyat Böyük Britaniya və Fransa Silahlı Qüvvələri ilə birgə həyata keçirilir”, deyə D.Tramp qeyd edib.

ABŞ prezidenti həmçinin bildirib ki, ABŞ Rusiyaya və İranla münasibətlərin normallaşdırılmasına ümid edir. “Lakin bu baş tutmaya da bilər”, deyə D.Tramp əlavə edib.

Bununla belə, ABŞ prezidenti ölkəsinin Suriyada uzunmüddətli hərbi iştirakını istisna edib: “Hər hansı vəziyyətdən asılı olmayaraq hərbçilərimizin Suriyada qalmağına çalışmırıq”.

trump-pic685-685x390-86233

“Reuters” agentliyi xəbər yayıb ki, Dəməşqdə elmi araşdırmalar mərkəzi partladılıb. Dəməşq şəhərində ard-arda 6 partlayış səsi eşidilib. Hazırda Bərzadakı elmi araşdırmalar mərkəzindən tüstü havaya qalxır.

Bundan başqa, 4-cü briqada milis qüvvələri mərkəzi ABŞ hərbi gəmilərindən atılan “Tomahawk” raketləri ilə vurulub.

Son məlumatlara əsasən, Dəməşq şəhərindəki hava limanı da raketlərlə vurulub. ABŞ-ın hücumuna Suriya havadan müdafiə sistemi cavab verib. ABŞ əməliyyatların uzunmüddətli olacağını açıqlayıb.

İngiltərə Müdafiə Nazirliyi Suriyadakı əməliyyatla bağlı açıqlama yayıb. Açıqlamada qeyd olunur ki, hazırki əməliyyata İngiltərənin 4 “Tornado” təyyarəsi qatılıb.

Böyük Britaniyanın baş naziri Tereza Mey bəyan edib ki, Suriyada başlanan hərbi əməliyyat Əsəd rejiminin dəyişdirilməsinə yönəlməyib:“Söhbət rejimin dəyişdirilməsindən və yaxud Suriyada yeni müharibədən getmir. ABŞ və Fransa ilə birgə məqsədimiz kimyəvi silahdan istifadə imkanlarını yox etməkdir. Həmçinin bu digər ölkələrə siqnaldır ki, kimyəvi silahdan istifadə cəzasız qalmayacaq”.

O həmçinin əməliyyata qərar verməzdən öncə Böyük Britaniyanın bütün diplomatik üsullara əl atdığını vurğulayıb.

Fransa da əməliyyatlara dəstək verdiyini bildirib.

“ABŞ, Britaniya və Fransa Suriyanın hərbi və mülki obyektlərinə 100-dən çox qanadlı raket və “hava-yer” raketi buraxıb”.Bu barədə Rusiya Müdafiə Nazirliyinin açıqlamasında deyilir. Açıqlamada iddia olunur ki, Suriya Hava Hücumundan Müdafiə sistemləri raketlərin önəmli qismini hədəfə çatmadan məhv edib.

Nazirlik qeyd edib ki, zərbələr ABŞ hərbi donanmasının Qırmızı dənizdəki iki gəmisindən, Aralıq dənizi akvatoriyasında taktiki aviasiya tərəfindən, eləcə Suriya ərazisindəki Ət Tanf rayonundan qalxan ABŞ-ın “B-1B” strateji bombardmançıları vasitəsilə endirilib.

 

 


loading...




Fikrinizi bildirin