Almaniyada təxminən yarım milyon mütəxəssisə ehtiyac var
Baxiş sayı:
Dərc olunub:
16/04/2018 - 22:24
Almaniyada mütəxəssis çatışmazlığı ölkə iqtisadiyyatının inkişafını ildə bir faiz aşağı salır. Bu barədə “Rheinische Post” qəzeti Almaniya İqtisadiyyatı İnstitutunun (IW) tədqiqatlarına əsasən məlumat yayıb. Ekspertlər bildirirlər ki, ölkədə ümumilikdə 440 minə yaxın mütəxəssis çatmır. Əgər alman müəssisələri göstərilən sayda işçi tapa bilərsə, bunun nəticəsində ildə iqtisadiyyata 30 milyard avro gələcək ki, bu da IW-nin hesablamalarına görə 0,9 faiz artım deməkdir.
2017-ci ildə daha çox vakansiya nəqliyyat və logistika, satış, metal emalı, maşınqayırma və avtomobil istehsalı, energetika, elektrotexnika, inşaat və səhiyyə (xəstə və yaşlı insanlara qulluq da bura daxildir) sahələrində tələb olunub.
Şərhlər
"Hədsiz güclü" Azərbaycan Prezidentura İnstitutu elə mütəxəssislərə heç bir ehtiyac duymur və onları məmnuniyyətlə Almaniyaya bağışlaya bilər.