” Məhz bu amil Azərbaycan-İsrail münasibətləri üçün möhkəm təməldir” – Səfir

Dərc olunub: 20/04/2018 - 18:24

35bb0eee-9566-42c4-b7d5-dc0e57dc17b8_292“Azərbaycan və İsrail arasında çox yaxşı, hər iki tərəf üçün faydalı münasibətlər qurulub”.

Bunu “Report”a İsrailin Azərbaycandakı səfiri Dan Stav deyib.

Onun sözlərinə görə, bu münasibətlər bir neçə amillə möhkəmlənir:

“Əvvəla, Azərbaycan və İsrailin artan radikalizm təhdidinə qarşı mübarizə üzrə ümumi baxışı var, ikincisi, hər iki ölkə multikulturaldır, üçüncüsü, tərəflərin bir-birinə dərin hörmətləri var: ölkələrin heç biri digəri üzərində dominantlıq etməyə çalışmır. Nəhayət, hər sahədə qarşılıqlı fayda ilə əməkdaşlığımızı dərinləşdirmək imkanı var “, – səfir bildirib.

O, iki xalq arasında xüsusi tarixi əlaqələrin olduğunu qeyd etməyin zəruriliyini vurğulayıb.

“Yəhudilər qədimdən Azərbaycan ərazisində yaşayırlar. Məhz bu amil Azərbaycan-İsrail münasibətləri üçün möhkəm təməldir”, – o deyib.

“Report”un Suriyadakı vəziyyətlə bağlı sualına cavabında səfir qeyd edib ki, ölkəsi başqa dövlətin daxili işlərinə müdaxilə etmək niyyətində deyil, sadəcə, öz sərhədlərini təhlükədən qoruyur: “Milli təhlükəsizliyimizi müdafiə etmək hüququmuz var”.


loading...




Fikrinizi bildirin