ABŞ marixunanı leqallaşdırır – Federal səviyyədə

Dərc olunub: 21/04/2018 - 15:26

marixuana«AzPolitika.info» xarici KİV-ə istinadla xəbər verir ki, Amerika Birləşmiş Ştatları (ABŞ) senatındakı demokratların lideri Çak Şumer gələn həftə marixuananın federal səviyyədə dekriminallaşdırılmasına yönəlik bir qanun layihəsi təqdim edəcək. Xəbəri «VICE News» kanalı yayıb.

«Şəxsən mən, hesab edirəm ki, bu, heç də pis deyil. Hamısından yaxşısı budur ki, hər ştata bu məsələni özünun həll etməsinə şərait yaradılsın» – deyə, senator kanala verdiyi müsahibədə bildirib. O, qeyd edib ki, «marixuananın kriminallaşması səbəbilə, bir çox insanın həyatı məhv olur».

Kanalın qeyd etdiyinə görə, Şumerin ofisinin gələn həftə təqdim edəcəyi qanunvericilik təşəbbüsü 6 bəndi nəzərdə tutur. Məsələn, senator təklif edir ki, marixuananın adı yayılması federal qanunla tənzimlənən maddələrin siyahısından çıxarılsın və bu məsələni müstəqil həll etməkdə hər bir ştata şərait yaradılsın. Bundan başqa, sözügedən təşəbbüs marixuananın təsirinin öyrənilməsi və reklamının federal səviyyədə tənzimlənməsi alkoqol və ya tütünlə olduğu kimi həyata keçirilməsi üçün maliyyə vəsaitinin ayrılmasını nəzərdə tutur.

Fevral ayında «Fox News» teleşirkətinin keçirdiyi sorğunun nəticələri göbstərib ki, ABŞ-da marixuananın leqallaşdırılmasını respondentlərin 59,0 faizi dəstəkləyir, əleyhinə olanların sayı isə 32,0 faiz təşkil edib.


loading...




Fikrinizi bildirin