Xudatda dövlət sərhədini pozan əcnəbi saxlanılıb

Dərc olunub: 25/04/2018 - 17:03

img-20180425-wa0005Dövlət Sərhəd Xidməti (DSX) əməkdaşlarının keçirdiyi əməliyyatla xarici vətəndaşın dövlət sər­hə­dini pozmasının qarşısı alınıb.

DSX mətbuat mərkəzindən APA-ya bildirilib ki, dövlət sərhədinin pozulması halı Xudat sərhəd dəstəsinin xid­­­məti ərazisində baş verib. Qusar rayonunun Şirvanovka kən­­di yaxınlığındakı sərhəd zastavasının xidməti ərazisində Azər­baycan Respublikasından Rusiya Federasiyası istiqamətində döv­lət sərhədini pozmağa hazırlaşan naməlum şəxs sər­həd naryadı tərəfindən aşkarlanıb və hərəkətləri nəzarətdə saxlanılıb.

Sərhəd pozucusu sərhəd zastavasının mühəndis-texniki çə­pə­rinin məftillərinin arasında keçərək sərhədboyu zolağa daxil ol­duqdan sonra sərhəd naryadı tərəfindən tutulub.

Sərhəd pozucusunun Özbəkistan vətəndaşı, 1991-ci il tə­vəl­lüdlü Tukhtasinov Tolibjon Rahman­jon oğlu olması müəyyənləşib.

Fakt üzrə zəruri əməliyyat-istintaq tədbirləri davam etdirilir.


loading...




Fikrinizi bildirin