Hacı İbrahim qardaşı Nazim İbrahimovdan “imtina etdi”: “O adam barəsində…”
Prezident Admnistrasiyasının (PA) rəhbəri Ramiz Mehdiyev mətbuata son açıqlamasında Diasporla İş üzrə Dövlət Komitəsinin sabiq sədri Nazim İbrahimov haqqında narazılığını ifadə edib, onun sərəncamına verilən vəsaitlərin ünvanına çatmadığını və bütün bunlardan ölkə prezidentinin xəbərdar olduğunu vurğulayıb.
Son illər mətbuat Diasporla iş üzrə Dövlət Komitəsinin sabiq sədri Nazim İbrahimov, onun qardaşıları – “Avesta” konsernin prezidenti Hacı İbrahim İbrahimov (Nehrəmli) və iş adamı Sahil İbrahimovun adını müxtəlif qaranlıq məsələlərdə hallandırır. Hətta iddialara görə, İbrahimovların mövqeləri ləğv edilmiş Milli Təhlükəsizlik Nazirliyinin rəhbərliyinin ifşasından sonra sarsılıb. O da qeyd edilir ki, iqtidarda dayaqlarını və nüfuzunu itirən qardaşlar haqqında ölkə rəhbərliyinə xoş olmayan məlumatlar çatdırılıb.
Xüsusilə Hacı İbrahim Nehrəmlinin “Beynəlxalq bank işi”nə görə bir neçə dəfə istintaq tərəfindən dindirilməsi və kredit oyunlarında iştirakının üzə çıxması, sahibkar qardaşı Sahil İbrahimovun tikinti şirkətində dələduzluq hallarının ifşa edilməsi və ən əsası qardaşlardan dövlət vəzifəsi daşıyan Nazim İbrahimovun rəhbəri olduğu komitədə “yuyulan” pulların araşdırılması bütövlükdə bu “ailə biznesi”nin sonunu gətirib.
Amma qardaşlar arasında qohumluq həddində isti münasbətlərin olmadığı heç kimə sirr deyil. Bəzi məlumatlara görə, Dövlət Komitəsindəki işini itirən Nazim İbrahimov Hacı İbrahim Nehrəmli ilə birgə çalışmağa, biznes fəaliyyətinə keçməyə hazırlaşır.
Məsələni dəqiqləşdirmək üçün Hacı İbrahim Nehrəmlinin mövqeyini öyrənməyə çalışdıq. Hacı İbrahim Modern.az-a açıqlamasında işlərilə bağlı hər hansı yenilik olmadığını, hələ də gözləmə mövqeyində qaldığını bildirib: “Hələ ki, işlər istədiyimiz səviyyədə getmir”.
Nazim İbrahimovla birgə fəaliyyət göstərməsinə gəlincə, İ.Nehrəmlinin cavabı birmənalı olub:“O ki qaldı, adını çəkdiyiniz şəxsə, xahiş edirəm mənə onun barəsində sual verməyin. O gün də bir jurnalist zəng vurdu, sonra baxdım mənim adımdan dastan boyda açıqlama yazıblar. Halbuki, o sözlər mənə aid deyil. Məndən özümə aid nə istəyirsiz soruşun, onun haqqında isə heç nə”.
Şərhlər
SÜBHAN ALLAH,vəzifə və vardövlətə görə indi qardaş-qardaşdan sonra ...
HACI deyir mən səhər 100 qıram konyak vuranda özümü yaxşı hiss edirəm.BƏDBƏXT qanmır ki,o dərdini unudur.İndidə qardaşından imtina edir.ALLAH bu bədbəxtə kömək etsin ki,özünə kələ bilə.Qardaş insanın bel sütunudur.
Haci moshennikin demeye sozu yox.Ele bilir ki,aldigi ve atdigi kreditleri ozune gore veribler...
İbrahim Nehrəmli düz adam idisə niyə qardaşı vəzifədən azad olunmamış imtina etymirdi. Hi?
Biz belə millət deyildik.Necə ola bilər ki, qardaş-qardaşdan imtina etsin?Bu hansı mentalitetə uyğun gəlir?Azərbaycanlılarda belə şeylər ola bilməz.Qəribədir. Su boğaza çıxanda meymun balasını ayağı altına alır?
Nəzarət olmayan,qohum-quda-yerli prinsipi ilə vəzifələr bölüşdürəndə bunu bilməli idilər ki,bunun sonu yaxşı olmaz.Necə olur ki, bu adamlar illərlə (üç qrdaş-tri müşketör") qeyri-qanuni halların baş verməsinə nəzarət olmayıb.Öncə bu sualı onları təqdim və təsdiq edənlərə verilməlidir.15-20 il göz yumub,sonda ayılmaq nə deməkdir.Beləmi dövləti idarə edirlər? Hara baxırsan bir bölgənin adamları.
Həyatda yaşam amalı halal-haram bilmədən daha çox talamaq,pulun hər şey demək oldugu,pulla hər şeyin alınıb satıldıgı qənatində olanlar özlərinin nə qədər bədbəxt oldugunu anlamazlar.
bunlarin yeri turmedi