Məhəmməd Salahdan tarixi rekord - Ən çox qol vuran oyunçu oldu

“Liverpul”un yarımmüdafiəçisi Məhəmməd Salah İngiltərə Premyer Liqasının tarixinə düşüb.

Qol.az-ın yaydığı xəbərə görə, çempionatın sonuncu – 38-ci turunun “Brayton”la hazırda davam edən oyununda fərqlənən misirli futbolçu qollarının sayını 32-yə çatdırıb. “Liverpul”un rəsmi Tvitter səhifəsi yazıb ki, o, bununla da İngiltərə Premyer Liqası tarixinin ən çox qol vuran futbolçusu kimi tarixə düşüb.

O, 32 qolu 36 oyunda vurub. Bundan başqa, misirli oyunçu 10 qolun ötərməsini də edib.

Qeyd edək ki, buna qədər Salah 31 qolla Alan Şirer (1993-1994), Kriştiano Ronaldo (2007-2008) və Luis Suareslə (2013-2014) birgə rekorda şərik idi.

Xatırladaq ki, İngiltərə jurnalistlərinin rəyinə əsasən, Salah bugünlərdə 2017/18 mövsümü üçün Premyer Liqanın ən yaxşı futbolçusu seçilib.

635x100

Şərhlər

Hər hansısa bir şərh yazılmayıb.

Son yazılar