Müəllim barədə polisə şikayət edən direktor Təhsil Nazirliyinə çağırıldı
Lənkəran rayonu Gəgiran kənd tam orta məktəbinin müəllimi Həbib Əlizadə barədə polisə şikayət edən həmin məktəbin direktoru Ziyafəddin Cavadov Təhsil Nazirliyinə dəvət olunub.
“Report” xəbər verir ki, bunu H.Əlizadə "Facebook"da yazıb.
Onun sözlərinə görə, məsələ ilə bağlı araşdırmalar davam edir.
H.Əlizadə deyib ki, şikayətdən sonra Lənkəran Şəhər Rayon Polis Şöbəsinə gedib: “Bir xeyli qapıda gözlədikdən sonra nəhayət ki, əlaqədar şöbədən hər hansı ciddi problem olmadığını və işimə davam edə biləcəyimi bildirdilər. Ümid edirəm elə olacaq. Yeniliklər olan kimi bölüşəcəm. Operativ maraqlanıb məsələni nəzarətə götürdüyü üçün Təhsil Nazirliyinə, bütün sosial şəbəkə istifadəçilərinə, mediayaya dərin təşəkkür edirəm. Fəalliyyətimiz sizin dəstəyinizlə davam edəcək”.
Xatırladaq ki, direktor Z.Cavadov rəhbərlik etdiyi məktəbin müəllimi H.Əlizadə barədə polisə şikayət edib. O, buna səbəb olaraq müəllimin məktəb şagirdlərini icazəsiz Bakıya ekskursiya gətirməsini göstərib.
Şərhlər
Gənc kreativ düşüncəli, savadlı gənc müəllimlərə əksər direktorlar qənim kəsilir. Ölkəmizdə hər nəsildən olan gənc vəya orta yaşlı istənilən qədər bacarıqlı müəllim tapılar. Amma direktorlar arasında yox!!!! Onların əksəri heç kalviatura nədir bilmir, internetdə xəbər izləmir.Yalnız RTŞ-lərdən gələn göstərişləri yerinə yetirir.Bu göstərişlərin nədən ibarət olması sirr deyil.