GÜLƏR ƏHMƏDOVAYA DEPUTAT PENSİYASI TƏYİN OLUNDU - Vəkildən açıqlama

Dərc olunub: 04/06/2018 - 19:33

guler-yeni-e14680131074891482494516

Sabiq deputat Gülər Əhmədovaya deputat pensiyası təyin olunub. “AzPolitika.info”nun məlumatına görə, bu barədə tanınmış vəkil Adəm Məmmədov öz “facebook” səhifəsində xəbər verib.

ademOnun yazdığına görə, məhkəmənin qərarı ilə Gülər Əhmədovaya əlillik dərəcəsi verilməsinə və pensiya təyin edilməsinə nail olunub: “Hüquqlarını müdafiə etdiyim  Milli Məclisinin sabiq deputatı Gülər Əhmədovaya deputat kimi pensiya təyin olunmasına nail olduq. Belə ki, 1 Saylı Bakı İnzibati-İqtisadi Məhkəməsinin qərarına əsasən Əhmədova Gülər Mikayıl qızına 30.05.2017-ci il tarixdən 2-ci dərəcə əlillik təyin olunması vəzifəsi  Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reablitasiya Xidmətinə həvalə edilmişdir. Bu qərara görə hakim Elçin Məmmədova təşəkkür edirəm!”

Qeyd edək ki, fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevin yaydığı qalmaqallı videodan sonra G.Əhmədova deputat mandatından imtina edib. Onun barəsində həbs qətimkan tədbiri seçilib. G.Əhmədova Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) və 307.2-ci (cinayət barəsində xəbər verməmə və ya qabaqcadan vəd etmədən cinayəti gizlətmə, qabaqcadan vəd etmədən ağır cinayəti gizlətmə) maddələri ilə ittiham olunub.

2013-cü ilin dekabr ayında Bakı Ağır Cinayətlər Məhkəməsinin hökmü ilə G.Əhmədova 3 il müddətinə azadlıqdan məhrum edilib. Hökmdən narazı qalan keçmiş deputat apellyasiya şikayəti verib. 2014-cü ilin may ayının 5-də Bakı Apellyasiya Məhkəməsinin qərarı ilə G.Əhmədovaya 3 il sınaq müddəti təyin olunmaqla şərti cəza verilib və o, azadlığa buraxılıb.

AzPolitika.info


loading...




Fikrinizi bildirin