Bakıda Qarabağ müharibəsi veteranı özünü yandırdı
Bakıda Qarabağ müharibəsi veteranı özünü yandırdı.
Bu barədə Vesti.Az-a Xəzər rayonu Prokurorluğundan xəbər veriblər.
Əldə olunmuş məlumata görə, intihar hadisəsi iyulun 20-də Buzovna qəsəbəsində, 24 nömrəli Telman küçəsində baş verib.
Paytaxt sakini, 1971-ci il təvəllüdlü Nuriyev Coşqun Eyvaz oğlu qohumlarının qarşısında üzərinə benzin tökərək özünü yandırıb.
Qohumları alovu söndürsələr də, Nuriyevin həyatını xilas etmək mümkün olmayıb. O, aldığı yanıq xəsarətlərindən 8 saat sonra dünyasını dəyişib.
“İlkin araşdırma zamanı məlum olub ki, Nuriyev subay imiş, heç yerdə işləməyib və qohumlarının evində qalırmış. O özünü elə həmin evin önündə yandırıb. Nuriyev Qarabağ müharibəsində iştirak edib və güman olunur ki, müharibə kişini psixoloji vəziyyətində dərin iz buraxıb”, - deyə, prokurorluqdan bildiriblər.
Faktla bağlı araşdırma davam edir.
Şərhlər
Hər hansısa bir şərh yazılmayıb.