Manvel Qriqoryan deputat toxunulmazlığından məhrum edilib
Baxiş sayı:
Dərc olunub:
19/06/2018 - 14:21
Ermənistan parlamentinin deputatı Manvel Qriqoryan deputat toxunulmazlığından məhrum edilib.
APA-nın “Aysor.am”a istinadən verdiyi xəbərə görə, bu barədə parlamentin bu gün keçirilən iclasında qərar verilib.
Səsvermədə 85 deputat iştirak edib. Onlardan 81 nəfəri qərarın lehinə, 3 nəfər isə əleyhinə səs verib. Bir səs isə etibarsız sayılıb.
Qeyd edək ki, Ermənistanın müdafiə nazirinin sabiq müavini M.Qriqoryan bir neçə gün öncə bağ evində qanunsuz silah və döyüş sursatlarının aşkar edilməsi ilə əlaqədar saxlanılıb. Daha sonra Milli Təhlükəsizlik Bürosunun yaydığı məlumatda deyilir ki, deputat 2016-cı ilin aprel döyüşlərində erməni əsgərlərinə göndərilmiş yardımı mənimsəməkdə təqsirli bilinir.
Şərhlər
Guya bizde manveller yoxdur?hara dash atirsan manvellere deyir.Ermeni tutdu atdi zindana,bizdekiler yuxariya terif deyib,haggini verib rahat yashayir.Digalarda 3 ile leytenandan general alan yoxdur.Generallarin sayi az gala siravileri usteleyir.