"Hər ayın sonuncu günü amnistiya üçün adlar təqdim edirik" - Ombudsman

"Bu günədək Azərbaycan Ombudsmanın amnistiyaya təqdim etdiyi adlardan 638-i əfvə düşüb".

"Report" xəbər verir ki, bunu jurnalistlərə açıqlamasında Ombudsman Elmira Süleymanova deyib.

Onun sözlərinə görə, Azərbaycan yeganə ölkədir ki, qısa müddətdə 11 amnistiya aktı, həm də 64 əfv sərəncamı imzalanıb: "Sonuncu əfvdə bugünədək olan ən çox adam - 624 nəfər əfv olunub. Onun 72-ni Ombudsman təqdim etmişdi. Ümumiyyətlə, hər ayın son günü mütləq şəkildə amnistiya üçün adlar təqdim edirik".