6 ŞİRKƏT RƏHBƏRİ, 3 SAHİBKAR HƏBSƏ ALINDI - Dövlətə 16 milyon manatdan çox ziyan vurublar

Məlum oldiğu kimi, 2018-ci il iyun ayının 2-də güclü leysan zamanı Göyçay çayı üzərində yerləşən körpü uçub. Körpünün uçmasına çaydakı qum-çınqıl yataqlarında bəzi şirkətlər tərəfindən aparılan qanunsuz istismar işlərinin səbəb olduğu bildirilib. Bununla bağlı cinayət işi açılıb.

Aparılan araşdırmalarla bağlı Respublika Baş Prokurorluğunun, Daxili Işlər, Fövqəladə Hallar, Ekologiya və Təbii Sərvətlər nazirliklərinin mətbuat xidmətləri birgə məlumat yayıb. "AzPolitika.info"ya daxil olan məlumatda bildirilir:

"Məlum olduğu kimi, 2018-ci il iyun ayının 2-də Göyçay rayonu ərazisində baş vermiş güclü leysan zamanı Bakı-Şamaxı-Yevlax yolunun 217-ci kilometrində Göyçay çayı üzərində yerləşən körpü qum-çınqıl yataqlarında aparılan qanunsuz istismar işləri səbəbindən uçaraq yararsız vəziyyətə düşmüş, nəticədə dövlətə 3 milyon manatdan artıq ziyan dəymişdir.

Bununla əlaqədar Azərbaycan Respublikasının Prezidenti cənab İlham Əliyevin tapşırığına əsasən ayrı-ayrı şəhər və rayonlarda fəaliyyət göstərən 250-yə yaxın qum-çınqıl karxanasından 81-də monitorinq aparılmışdır. Müəyyən edilmişdir ki, son dövrlər bəzi dövlət orqanları və sahibkarlıq subyektləri tərəfindən yer təkinin qorunması, xüsusən çay yataqlarının istifadəsi sahəsində qanunvericiliklə müəyyən edilmiş standartlar, normativlər, qaydalar və lisenziyalaşdırma şərtləri kobud surətdə pozulduğundan ətraf mühitə, infrastruktur obyektlərə, su təchizatı şəbəkələrinə, hidrotexniki qurğulara və sahil bərkitmə bəndlərinə ciddi təhlükə yaranmış, çay məcraları kəskin eroziyaya məruz qalmışdır.

Aşkarlanmış qanunsuzluqlarla bağlı toplanılmış materiallar əsasında Azərbaycan Respublikasının Baş Prokurorluğunda Cinayət Məcəlləsinin 192-ci (qanunsuz sahibkarlıq), 255-ci (yerin təkinin qorunması və istifadəsi qaydalarını pozma) və 308-ci (vəzifə səlahiyyətlərindən sui-istifadə) maddələri ilə cinayət işləri başlanılmış, eləcə də hüquq mühafizə orqanlarının təcrübəli əməkdaşlarından və aidiyyəti dövlət qurumlarının mütəxəssislərindən ibarət istintaq-əməliyyat qrupları yaradılaraq təxirəsalınmaz tədbirlər həyata keçirilmişdir.

İstintaq araşdırmaları göstərmişdir ki, karxanalardan 14-ü lisenziya və digər müvafiq sənədlər olmadan qanunsuz şəkildə qum-çınqıl istehsalı ilə məşğul olmuş, daha 41 karxana yataqların istismarının dayandırılması barədə Nazirlər Kabinetinin qərarına zidd olaraq fəaliyyətini davam etdirmiş və nəticədə dövlətə 16 milyon manatdan çox ziyan vurulmuşdur.

Konkret olaraq “Göyçay” qum-çınqıl yatağında istismar işləri aparan karxanalar ətraf mühitə 4 milyon manatdan çox, Mingəçevir şəhərində və Yevlax rayonunda yerləşən 16 karxana 700 min manatdan artıq, Şamaxı, İmişli, Şəmkir, Qazax, Quba, Qusar, Tərtər və Bərdə rayonları ərazisində yerləşən 56 karxana isə 8 milyon manatdan çox ziyan vurmuşdur.

Göstərilən hüquqazidd əməllərə yol verdiklərinə görə “ATF” MMC-nin təsisçisi və faktiki rəhbəri Fəxrəddin Muradov, “Azpod” MMC-nin qum-çınqıl zavodunun direktoru Nəcməddin Əliyev, “Elnicat” MMC-nin direktoru Bəhruz Sadayev, “Titanik-5” MMC-nin təsisçisi və faktiki rəhbəri Şahin Məmmədov, fiziki şəxslər Natiq Zakirov, Nazim Qasımov, Nəriman Yəhyayev Cinayət Məcəlləsinin müxtəlif maddələri ilə təqsirləndirilən şəxs qismində cəlb edilərək məhkəmənin qərarı ilə həbs olunmuşlar.

“Azəraqrartikinti” ASC-nin Göyçay qum-çınqıl filialının istehsalat rəisi Allahverdi Allahverdiyev və “Gülövşə” MMC-nin təsisçisi Mahir Allahverdiyev barəsində polisin nəzarəti altına vermə qətimkan tədbiri seçilmişdir. “Attinak” MMC, “Bayburt Qrup” Anonim Şirkəti, habelə bir sıra digər hüquqi və fiziki şəxslər barəsində araşdırmalar davam etdirilir.

Hazırda istintaqı aparılan cinayət işləri üzrə bütün təqsirli şəxslərin müəyyən edilib məsuliyyətə cəlb olunması, ətraf mühitə vurulmuş ziyanın ödətdirilməsi və nəticələrinin aradan qaldırılması istiqamətində tədbirlər həyata keçirilir".

AzPolitika.info

635x100

Şərhlər

SUAL 2018-06-21 17:10:15

TEZ AYİLİBLAR. BU İSLƏ MƏSXUL OLANLARİN HAMİSİNDAN TUTLAN VERGİLƏR BƏS HARA GETDİ GORƏSƏN?

G.M 2018-06-21 17:10:15

Milli Şura bu dəfə cinayət məhsuliyətindən yayına bilməyəcək.Axırıncı mitinqə gələnlər məhz həmin Körpüdən keçmişdilər.C.Həsənli buna görə cavabdehlik daşıyır.

Hörməti oxucular! 2018-06-21 17:10:15

Bismillahir-Rəhmanir-Rəhim AzPolitka http://azpolitika.info/?p=423934 saytında belə bir yazı vardı: Əslində, Göyçay sakinləri bu problemi illər öncə görüblər və müraciət etmədikləri orqan qalmayıb. Hələ aylar öncə bu zavodların Göyçay çayının məcrasını talan etmələri və faktiki olaraq rayona fəlakət hazırlamaları ilə bağlı məhkəməyə, prokurorluğa müraciətlər edilib. Lakin indiyədək ciddi bir nəticə olmamışdı. Nəhayətdə, belə bir ağrılı fəsad ortaya çıxıb. “Nadanlığın dərəcəsinə diqqət edin: bu məmurlar müraciətlərə niyə vaxtında tədbir görməyiblər? İndi onlar məsuliyyət daşımayırlarmı? Təsadüfü deyil ki, Məqələdə yazılır ki, 41 karxana yataqların istismarının dayandırılması barədə Nazirlər Kabinetinin qərarına zidd olaraq fəaliyyətini davam etdirmiş və nəticədə dövlətə 16 milyon manatdan çox ziyan vurulmuşdur. Burda Nazirlər Kabinetinin faliyyəti “Anlasığan və başadüşülən deyil…”?

hellas 2018-06-21 17:10:15

Daş başınıza dövlətin milyardlarını oğurlayıb-sümürüb-söküb xariclərə daşıyıblar onlardan danışan yoxdur. Millətə adambaşına oğurluqlar nəticəsində 700-800 dollar borc yükləyiblər, bundan da danışan yoxdur. Bunlar 16 milyon ziyan vurublar şou yaradırlar. Tutursunuz hamısını tutun: Mahmudcanın oğlunun londondakı neçə milyardı haradandır, Anar Məmmədovun milyardları haradandır? və s. və i.....

Cavid 2018-06-21 17:10:15

Bu necə olur? Dövlətdən 2,5 , 4-5 milyard oğurlayanlar sərbəst gəzir,gözün üstə qaşın var deyilmir,amma bu binəvalar pis də ollsa nə isə iş görüblər,bir az da bəlkə mənimsəyiblər ,həmən həbsə atılır.Bunamı demokratiya deyiir? Oğrunun da toxunulmazı olur?

Son yazılar