DÇ-2018: Bu gün II turun son 3 oyunu keçiriləcək

Dərc olunub: 24/06/2018 - 10:05

dc2018Rusiyadakı futbol üzrə dünya çempionatında bu gün II turun son 3 oyunu keçiriləcək.

“Report”un məlumatına görə, əvvəlcə G qrupunda İngiltərə və Panama yığmaları arasında görüş olacaq. Bu qrupda II turun ilk matçında Belçika Tunisi 5:2 hesabı ilə yenərək, xallarını 6-ya çatdırıb. İngiltərə də görüşdən qələbə ilə ayrılsa, xallarını 6-ya çatdıracaq. Bu halda 1/8 finala Avropa təmsilçiləri yüksələcəklər.

Daha sonra nəzərlər H qrupuna yönələcək. Qrupda turun ilk matçında Yaponiya və Seneqal milliləri üz-üzə gələcək. Hər iki komanda birinci turda qələbə qazanıb. Yaponiya Kolumbiyanı, Seneqal Polşanı 2:1 hesabı ilə yenib. Günün son matçında Polşa ilə Kolumbiya heç-heçə etsələr, qaliblərin duelində üstün tərəf 1/8 finala yüksələcək.

DÇ-2018

24 iyun

II tur

G qrupu

16:00. İngiltərə – Panama

Hakimlər: Gehad Qrişa (Misir), Reduan Aşik (Mərakeş), Valid Ahmed (Sudan), Norbert Hauata (Taiti), Bertran Brial (Yeni Kaledoniya)

Nijni Novqorod, “Nijni Novqorod” stadionu

H qrupu

19:00. Yaponiya – Seneqal

Hakimlər: Canluka Rokki, Elenito di Liberatore, Mauro Tonolini (hamısı İtaliya), Abdulrahman əl-Cassim, Taleb əl-Marri (hər ikisi Qətər)

Yekaterinburq, “Yekaterinburq Arena”

22:00. Polşa – Kolumbiya

Hakimlər: Sezar Ramos, Marvin Torrentera, Migel Ernandes (hamısı Meksika), Xulio Baskunyan, Kristian Şimann (hər ikisi Çili)


loading...




Fikrinizi bildirin